मटा ऑनलाइन वृत्त । मुंबई
'उडता पंजाब', 'फिल्लौरी'सारख्या चित्रपटातून प्रेक्षकांच्या भेटीला आलेला अभिनेता दिलजीत दोसांजच्या भूमिकेचं विशेष कौतुक झालं. पंजाबी चित्रपटसृष्टीतील हा स्टार पुन्हा एकदा बॉलिवूडपटात अभिनय करण्यास सज्ज झालाय. परंतु, या चित्रपटात दिलजीत एका वेगळ्या भूमिकेत दिसणार आहे. मूळचा गायक आणि तबला वादक असणाऱ्या दिलजीतच्या हातात तबल्याऐवजी चक्क हॉकी स्टिक पाहायला मिळणार आहे. प्रसिद्ध हॉकीपटू आणि भारताच्या हॉकी संघाचा माजी कर्णधार संदीप सिंहच्या जीवनावर आधारित 'सूरमा' या चित्रपटात तो मुख्य भूमिकेत दिसणार आहे.
नुकतेच या चित्रपटाचे पोस्टर सोशल मीडियाच्या माध्यमातून समोर आलाय. या पोस्टसोबत #DontLetThisStoryPass हा हॅशटॅगही सोशल मीडियात ट्रेंड होऊ लागला. खेळाडूंच्या जीवनावर आधारित चित्रपट प्रेक्षकांच्या पसंतीस उतरत असल्याचे चित्र आपल्याकडे पाहायला मिळतंय. मिल्खा सिंह, मेरी कोम, पानसिंह तोमर, एम. एस. धोनी, सचिन तेंडुलकर व फोगट भगिनींच्या जीवनावर बनवलेल्या 'बायोपिक'ना प्रेक्षकांच्या चांगल्या प्रतिक्रिया मिळाल्या. याच पार्श्वभूमीवर संदीप सिंहच्या जीवनावर चित्रपट येतोय.
संदीप भारतीय हॉकी संघाचा माजी कर्णधार आहे. काही वर्षांपूर्वी झालेल्या एका अपघातामुळे संदीपला तब्बल दोन वर्षे व्हीलचेअरवर काढावी लागली; तरीही या जिद्दी खेळाडूने भारतीय हॉकी संघात पुन्हा जागा मिळविली. त्याची हीच कथा दिग्दर्शक शाद अली मोठ्या पडद्यावर मांडणार आहे. या चित्रपटाबाबत बोलताना शाद म्हणाला, 'या चित्रपटाबद्दल माझ्यापेक्षा दिलजीत जास्त उत्सुक आहे. दिलजीतला त्याच्या खऱ्या आयुष्यात खेळाची फारशी आवड नाही. त्यानं आजपर्यंत साधी बॅटही हातात घेतली नाही, त्याचे हात नेहमी तबल्यावर आणि पेटीवरच चालले आहेत. परंतु आता हे चित्र बदललं आहे. चित्रपटातील हॉकीपटूच्या भूमिकेसाठी मात्र तो प्रचंड मेहनत घेतो आहे.'
A hockey stick and a bullet...One gave direction to his life while the other changed it forever! #SOORMA - The greatest comeback story ever! 🚨29th June 🚨 @sonypicsprodns @taapsee @Imangadbedi @Flicker_Singh @SnehaRajani @IChitrangda @shaadesh @thecsfilms pic.twitter.com/Kvx7l010Fq — DILJIT DOSANJH (@diljitdosanjh) November 28, 2017
दिलजीत सध्या खुद्द संदीप सिंह यांच्याकडून हॉकीचे धडे गिरवतोय. या चित्रपटात दिलजीत दोसांजसोबत तापसी पन्नू आणि अंगद बेदी मुख्य भूमिका साकारताना दिसणार आहेत.
'उडता पंजाब', 'फिल्लौरी'सारख्या चित्रपटातून प्रेक्षकांच्या भेटीला आलेला अभिनेता दिलजीत दोसांजच्या भूमिकेचं विशेष कौतुक झालं. पंजाबी चित्रपटसृष्टीतील हा स्टार पुन्हा एकदा बॉलिवूडपटात अभिनय करण्यास सज्ज झालाय. परंतु, या चित्रपटात दिलजीत एका वेगळ्या भूमिकेत दिसणार आहे. मूळचा गायक आणि तबला वादक असणाऱ्या दिलजीतच्या हातात तबल्याऐवजी चक्क हॉकी स्टिक पाहायला मिळणार आहे. प्रसिद्ध हॉकीपटू आणि भारताच्या हॉकी संघाचा माजी कर्णधार संदीप सिंहच्या जीवनावर आधारित 'सूरमा' या चित्रपटात तो मुख्य भूमिकेत दिसणार आहे.
नुकतेच या चित्रपटाचे पोस्टर सोशल मीडियाच्या माध्यमातून समोर आलाय. या पोस्टसोबत #DontLetThisStoryPass हा हॅशटॅगही सोशल मीडियात ट्रेंड होऊ लागला. खेळाडूंच्या जीवनावर आधारित चित्रपट प्रेक्षकांच्या पसंतीस उतरत असल्याचे चित्र आपल्याकडे पाहायला मिळतंय. मिल्खा सिंह, मेरी कोम, पानसिंह तोमर, एम. एस. धोनी, सचिन तेंडुलकर व फोगट भगिनींच्या जीवनावर बनवलेल्या 'बायोपिक'ना प्रेक्षकांच्या चांगल्या प्रतिक्रिया मिळाल्या. याच पार्श्वभूमीवर संदीप सिंहच्या जीवनावर चित्रपट येतोय.
संदीप भारतीय हॉकी संघाचा माजी कर्णधार आहे. काही वर्षांपूर्वी झालेल्या एका अपघातामुळे संदीपला तब्बल दोन वर्षे व्हीलचेअरवर काढावी लागली; तरीही या जिद्दी खेळाडूने भारतीय हॉकी संघात पुन्हा जागा मिळविली. त्याची हीच कथा दिग्दर्शक शाद अली मोठ्या पडद्यावर मांडणार आहे. या चित्रपटाबाबत बोलताना शाद म्हणाला, 'या चित्रपटाबद्दल माझ्यापेक्षा दिलजीत जास्त उत्सुक आहे. दिलजीतला त्याच्या खऱ्या आयुष्यात खेळाची फारशी आवड नाही. त्यानं आजपर्यंत साधी बॅटही हातात घेतली नाही, त्याचे हात नेहमी तबल्यावर आणि पेटीवरच चालले आहेत. परंतु आता हे चित्र बदललं आहे. चित्रपटातील हॉकीपटूच्या भूमिकेसाठी मात्र तो प्रचंड मेहनत घेतो आहे.'
A hockey stick and a bullet...One gave direction to his life while the other changed it forever! #SOORMA - The greatest comeback story ever! 🚨29th June 🚨 @sonypicsprodns @taapsee @Imangadbedi @Flicker_Singh @SnehaRajani @IChitrangda @shaadesh @thecsfilms pic.twitter.com/Kvx7l010Fq — DILJIT DOSANJH (@diljitdosanjh) November 28, 2017
दिलजीत सध्या खुद्द संदीप सिंह यांच्याकडून हॉकीचे धडे गिरवतोय. या चित्रपटात दिलजीत दोसांजसोबत तापसी पन्नू आणि अंगद बेदी मुख्य भूमिका साकारताना दिसणार आहेत.