तब्बल ५० कोटी भारतीयांनी पाहिलं 'हे' गाणं

मटा ऑनलाइन वृत्त | मुंबई

ब्रिटीश गायक आणि दोनदा ग्रॅमी पुरस्कार विजेता असलेला एडी शीरन यांचं सुपरहिट 'शेप ऑफ यू' हे गाणं भारतात व्हिडिओ स्ट्रीमिंग प्लॅटफॉर्मवर ५० कोटी चाहत्यांनी पाहिलं आहे. या गाण्याच्या लोकप्रियतेनं सगळ्याना थक्क केलं आहे. भारतात हे पहिल्यांदाच घडलं आहे.

सावन, गाना, हंगामा आणि विंक यांसारखे ऑडियो स्ट्रीमिंग प्लॅटफॉर्म या गाण्याच्या लोकप्रियतेने चकीत झाले आहेत. तसंच त्यांनी कोणत्याही गाण्याला कधीच एवढी मागणी पाहिली नव्हती.

'भारतात लोकांमध्ये वेगवेगळे पॅटर्न पाहायला मिळतं आहेत. लोकं हिंदी आणि प्रादेशिक गाण्यांसह इंग्रजी गाणी ऐकणं पसंत करत आहेत. एड शीरनसारख्या कलाकारांनी भौगोलिक सीमा तोडल्या आणि दुर्गम भागात प्रवेश केला आहे. कारण त्यांची गाणी इंदूर, भिलाई, पटियाला आणि कोची येथेही ऐकली जात आहेत. तसंच त्या भागात एड शीरनला चांगला प्रतिसाद मिळतो आहे', असं सोनी म्युझिक इंडियाचे आंतरराष्ट्रीय संगीत प्रमुख अर्जुन शंकालिया यांनी सांगितलं.