'ऑफ शोल्डर' गाउनमुळे एकता कपूर चर्चेत

मुंबई: छोट्या पडद्यावरील प्रसिद्ध निर्माता-दिग्दर्शक एकता कपूर तिच्या ऑफ शोल्डर गाउनमुळे चर्चेत आली आहे. 'झी फाइव्ह'च्या एका कार्यक्रमात एकता कपूरनं केलेल्या या बिनधास्त फॅशनमुळं सर्वांनाच आश्चर्याचा धक्का बसला.

एकता कपूर एरवी साधे ड्रेस, स्कर्ट, गाउन्स घालून विविध कार्यक्रमांना हजेरी लावते. कपड्यांच्या वेगळेपणाने ती कधीच लोकांचे लक्ष वेधून घेत नाही. पण नुकत्याच एका कार्यक्रमात तिनं आपल्या कपड्यांमुळं सगळ्यांचं लक्ष वेधून घेतलं. बालाजी टेलीफिल्म्स लवकरच 'कोल्ड लस्सी और चिकन मसाला' ही नवी वेबसीरिज घेऊन येत आहे. या वेबसिरीजमध्ये राजीव खंडेलवाल आणि दिव्यांका त्रिपाठी प्रमुख भूमिकेत दिसणार आहेत. छोट्या पडद्यावरचे हे दोन प्रसिद्ध कलाकार पहिल्यांदाच सोबत काम करत आहेत. या वेबसीरिजच्या लॉंच पार्टीमध्ये ऑफ शोल्डर गाउन घालून एकताने प्रवेश केला आणि सगळ्यांच्याच भुवया उंचावल्या. हा गाऊन घालणं अत्यंत धोकादायक असल्याचंही बोललं जातं होतं. पण बोल्ड स्वाभावाच्या एकताने या चर्चांकडे दुर्लक्ष केलं.

'कोल्ड लस्सी आणि चिकन मसाला' ही एक प्रेम कहाणी असून प्रेमाचे काही वेगळे पैलू या मालिकेतून उलगडणार आहे. ही सीरिज प्रेक्षकांना काही वेगळं देणार की बालाजी टेलिफिल्म्सच्या त्याच पठडीबाज मालिकांकडं पुन्हा नेणार, याबद्दल उत्सुकता आहे.