मंजिरी पोखरकर, जोशी-बेडेकर कॉलेज
प्रेक्षक खळखळून हसवणाऱ्या ‘गेला उडत’चा दोनशेवा प्रयोग रविवारी ठाण्यात रंगला. थंडी, तसंच लागोपाठचे प्रयोग यामुळे नाटकातला मुख्य अभिनेता सिद्धार्थ जाधवसह सर्वच कलाकारांचे आवाज बसले होते. तरीही या कलाकारांनी नेटानं प्रयोग पूर्ण केला.
ठाण्याच्या प्रयोगाच्या आदल्या दिवशी रोह्यात एक प्रयोग होता. तिथं चांगलीच थंडी असल्यानं सिध्दार्थ जाधवसह सर्वच कलाकारांना आणि तंत्रज्ञांना त्रास झाला होता. सिद्धार्थसह अनेक कलाकारांचा आवाज त्यामुळे बसला. दुसऱ्या दिवशी सकाळी शिवाजी मंदिर आणि दुपारी ठाण्यामध्ये गडकरी रंगायतन असे लागोपाठ दोन प्रयोग होते. त्यामुळे या कलाकारांना विश्रांती मिळाली नाही. साहजिकच आवाजावर आणखी परिणाम झाला.
ठाण्यामधला प्रयोग सुरू झाला तेव्हा प्रेक्षकांपर्यंत त्यांचा आवाज नीट पोहोचत नव्हता. प्रयोग हाऊसफुल्ल होता. प्रेक्षकांकडून ‘आवाज-आवाज’ अशी विचारणा होत होती. कलाकारांनी पूर्ण प्रयत्न करून प्रयोग करायचं ठरवलं. प्रयोगाच्या मधल्या वेळेत थोडी विश्रांती, मध्ये-मध्ये गरम पाणी पित कलाकारांनी हा प्रयोग सादर केला. प्रेक्षकांकडूनही कलाकारांना चांगला प्रतिसाद मिळाला. प्रयोग संपल्यानंतर सिध्दार्थनं प्रेक्षकांचे आभार मानले. हा प्रयोग खास तुमच्यासारख्या मायबाप रसिकांसाठी केला, असं त्यानं यावेळी सांगितलं.
आम्ही रोह्यामध्ये नाटकाचा हाऊसफुल्ल प्रयोग केला. परंतु, तिथली थंडी आणि धूळ कलाकारांना सहन झाली नाही. प्रवासाचा त्रास झाला. आयत्यावेळी केलेला शिवाजी मंदिरचा प्रयोग, त्यानंतर लागोपाठ गडकरीला झालेला प्रयोग त्यामुळे आवाजावर परिणाम झाला होता.
- सिध्दार्थ जाधव
प्रेक्षक खळखळून हसवणाऱ्या ‘गेला उडत’चा दोनशेवा प्रयोग रविवारी ठाण्यात रंगला. थंडी, तसंच लागोपाठचे प्रयोग यामुळे नाटकातला मुख्य अभिनेता सिद्धार्थ जाधवसह सर्वच कलाकारांचे आवाज बसले होते. तरीही या कलाकारांनी नेटानं प्रयोग पूर्ण केला.
ठाण्याच्या प्रयोगाच्या आदल्या दिवशी रोह्यात एक प्रयोग होता. तिथं चांगलीच थंडी असल्यानं सिध्दार्थ जाधवसह सर्वच कलाकारांना आणि तंत्रज्ञांना त्रास झाला होता. सिद्धार्थसह अनेक कलाकारांचा आवाज त्यामुळे बसला. दुसऱ्या दिवशी सकाळी शिवाजी मंदिर आणि दुपारी ठाण्यामध्ये गडकरी रंगायतन असे लागोपाठ दोन प्रयोग होते. त्यामुळे या कलाकारांना विश्रांती मिळाली नाही. साहजिकच आवाजावर आणखी परिणाम झाला.
ठाण्यामधला प्रयोग सुरू झाला तेव्हा प्रेक्षकांपर्यंत त्यांचा आवाज नीट पोहोचत नव्हता. प्रयोग हाऊसफुल्ल होता. प्रेक्षकांकडून ‘आवाज-आवाज’ अशी विचारणा होत होती. कलाकारांनी पूर्ण प्रयत्न करून प्रयोग करायचं ठरवलं. प्रयोगाच्या मधल्या वेळेत थोडी विश्रांती, मध्ये-मध्ये गरम पाणी पित कलाकारांनी हा प्रयोग सादर केला. प्रेक्षकांकडूनही कलाकारांना चांगला प्रतिसाद मिळाला. प्रयोग संपल्यानंतर सिध्दार्थनं प्रेक्षकांचे आभार मानले. हा प्रयोग खास तुमच्यासारख्या मायबाप रसिकांसाठी केला, असं त्यानं यावेळी सांगितलं.
आम्ही रोह्यामध्ये नाटकाचा हाऊसफुल्ल प्रयोग केला. परंतु, तिथली थंडी आणि धूळ कलाकारांना सहन झाली नाही. प्रवासाचा त्रास झाला. आयत्यावेळी केलेला शिवाजी मंदिरचा प्रयोग, त्यानंतर लागोपाठ गडकरीला झालेला प्रयोग त्यामुळे आवाजावर परिणाम झाला होता.
- सिध्दार्थ जाधव