कल्पेशराज कुबल
सिनेमांचा सुवर्णकाळ अनुभवणाऱ्या पिढीला गिरगावातलं रॉयल ऑपेरा हाऊस परिचयाचं असेल. मधल्या काळात तब्बल वीस वर्ष ऑपेरा हाऊस बंद होतं. दोन वर्षांपूर्वी त्याला नवं रुप मिळाल्यानंतर त्या ऐतिहासिक रंगभूमीवर मराठी व्यावसायिक नाटकाचा प्रयोग झाला नव्हता. पण, शनिवारी इथे 'अ परफेक्ट मर्डर' या नाटकाचा प्रयोग रंगला आणि ऑपेरा हाऊसच्या बाहेर मराठी नाटकासाठी 'हाऊसफुल्ल'ची पाटी लागली.
नाटकात काम करणारा अभिनेता पुष्कर श्रोत्री या वास्तूविषयी सांगताना काही गहिवरला होता. 'पांढऱ्या शुभ्र रंगाची इमारत, कमानी, भिंतीवर असलेलं बारीक नक्षीकाम, मखमली गालीचे, प्रेक्षागृहाची आखीव रेखीव रचना असं मन प्रसन्न करून टाकणाऱ्या रॉयल ऑपेरा हाऊसमध्ये प्रवेश करताना अंगावर आठवणींचा शहारा आला. लहानपणी या इमारतीच्या बाहेरून जाताना बाबा नेहमी मला 'ऑपेरा हाऊस'बद्दल सांगायचे. तेव्हा अभिनयक्षेत्रात येईन असं ठरवलेलं नव्हतं. पण, तरी या वास्तूच्या देखण्या रूपाच्या मी प्रेमात होतो. बालगांधर्व यांच्या नाटकाचा प्रयोग इकडे होता, असं बाबांनी सांगितलं होतं. त्या ऐतिहासिक रंगमंचावर स्वतः सादरीकरण करतोय यावर माझा मलाच विश्वास बसत नव्हता. 'अ परफेक्ट मर्डर' या नाटकाच्या निमित्तानं पुन्हा एकदा मराठी नाटक ऑपेराला आलं याचा मुंबईकर म्हणून नक्कीच अभिमान आहे', असं त्यानं 'मुंटा'ला सांगितलं.
पूर्वी तिथे इंग्रजी सिनेमे, इंग्रजी - गुजराती - पारशी नाटकांची सादरीकरण तसंच मराठी संगीत नाटकांचे प्रयोगही व्हायचे. त्यानंतर बऱ्याच वर्षांनी मराठी नाटक इथे सादर झालं. ऑक्टोबर, २०१६ मध्ये रॉयल ऑपेरा हाऊसचा पुनर्जन्म झाल्यानंतर त्या ऐतिहासिक रंगभूमीवर मराठी व्यावसायिक नाटकाचा प्रयोग झाला नव्हता.
काय आहे 'मर्डर'?
अल्फ्रेड हिचकॉकच्या कथेवर आधारित निलेश शिरवईकर लिखित 'अ परफेक्ट मर्डर' हे एक सस्पेन्स थ्रिलर नाटक आहे. विजय केंकरे यांचं दिग्दर्शन असलेल्या या नाटकाची खासियत म्हणजे दिग्दर्शक सतीश राजवाडे नाटकात अभिनेता म्हणून दिसतोय.
सिनेमांचा सुवर्णकाळ अनुभवणाऱ्या पिढीला गिरगावातलं रॉयल ऑपेरा हाऊस परिचयाचं असेल. मधल्या काळात तब्बल वीस वर्ष ऑपेरा हाऊस बंद होतं. दोन वर्षांपूर्वी त्याला नवं रुप मिळाल्यानंतर त्या ऐतिहासिक रंगभूमीवर मराठी व्यावसायिक नाटकाचा प्रयोग झाला नव्हता. पण, शनिवारी इथे 'अ परफेक्ट मर्डर' या नाटकाचा प्रयोग रंगला आणि ऑपेरा हाऊसच्या बाहेर मराठी नाटकासाठी 'हाऊसफुल्ल'ची पाटी लागली.
नाटकात काम करणारा अभिनेता पुष्कर श्रोत्री या वास्तूविषयी सांगताना काही गहिवरला होता. 'पांढऱ्या शुभ्र रंगाची इमारत, कमानी, भिंतीवर असलेलं बारीक नक्षीकाम, मखमली गालीचे, प्रेक्षागृहाची आखीव रेखीव रचना असं मन प्रसन्न करून टाकणाऱ्या रॉयल ऑपेरा हाऊसमध्ये प्रवेश करताना अंगावर आठवणींचा शहारा आला. लहानपणी या इमारतीच्या बाहेरून जाताना बाबा नेहमी मला 'ऑपेरा हाऊस'बद्दल सांगायचे. तेव्हा अभिनयक्षेत्रात येईन असं ठरवलेलं नव्हतं. पण, तरी या वास्तूच्या देखण्या रूपाच्या मी प्रेमात होतो. बालगांधर्व यांच्या नाटकाचा प्रयोग इकडे होता, असं बाबांनी सांगितलं होतं. त्या ऐतिहासिक रंगमंचावर स्वतः सादरीकरण करतोय यावर माझा मलाच विश्वास बसत नव्हता. 'अ परफेक्ट मर्डर' या नाटकाच्या निमित्तानं पुन्हा एकदा मराठी नाटक ऑपेराला आलं याचा मुंबईकर म्हणून नक्कीच अभिमान आहे', असं त्यानं 'मुंटा'ला सांगितलं.
पूर्वी तिथे इंग्रजी सिनेमे, इंग्रजी - गुजराती - पारशी नाटकांची सादरीकरण तसंच मराठी संगीत नाटकांचे प्रयोगही व्हायचे. त्यानंतर बऱ्याच वर्षांनी मराठी नाटक इथे सादर झालं. ऑक्टोबर, २०१६ मध्ये रॉयल ऑपेरा हाऊसचा पुनर्जन्म झाल्यानंतर त्या ऐतिहासिक रंगभूमीवर मराठी व्यावसायिक नाटकाचा प्रयोग झाला नव्हता.
काय आहे 'मर्डर'?
अल्फ्रेड हिचकॉकच्या कथेवर आधारित निलेश शिरवईकर लिखित 'अ परफेक्ट मर्डर' हे एक सस्पेन्स थ्रिलर नाटक आहे. विजय केंकरे यांचं दिग्दर्शन असलेल्या या नाटकाची खासियत म्हणजे दिग्दर्शक सतीश राजवाडे नाटकात अभिनेता म्हणून दिसतोय.