सूरज कांबळे, एमडी कॉलेज
प्रयोगशील ठरलेल्या स्पर्धात्मक कलामंचावर गेली अनेक वर्षं अनेक एकांकिका या सादर होत आहेत आणि होत राहतील, या प्रयोगशीलतेचा गौरव करण्यासाठी काही वर्षांपूर्वी एकांकिका जगातील कलाकारांना आणि तंत्रज्ञांसाठी अस्तित्वतर्फे 'पारंगत सन्मान'ची सुरुवात करण्यात आली. वर्षभरात गाजलेल्या आणि विविधांगी एकांकिकेचा, त्यातील कलाकार आणि तंत्रज्ञ मंडळींना या पुरस्कार सोहळ्यात गौरवण्यात येतं. तब्बल सहा वर्षांनी अस्तित्व या संस्थेनं यंदा या सन्मान सोहळ्याचं आयोजन केलं होतं. याचं स्वागत एकांकिका संघ आणि कलाकार यांनी केलं. कॉलेज स्तरावरील आणि खुला गट अशी विभागणी करत या पुरस्कार सोहळ्याचं वितरण झालं. हा पुरस्कार सोहळा आजी- माजी आणि कलासृष्टीतील मान्यवरांच्या साक्षीनं रंगला. कॉलेजच्या तरुणांनीच या सोहळ्याच्या आयोजकत्वाचा आणि सादरीकरणाचा भार उचलला होता.
००००
निकाल
खुला गट
पारंगत एकांकिका- रेनबोवाला (गंधर्व कलाधारा)
पारंगत लेखक- राहुल बेलापूरकर (देव हरवला)
पारंगत दिग्दर्शक- हर्षल गढरी- राकेश जाधव (रेनबोवाला)
पारंगत अभिनेता- स्वप्निल टकले (रेनबोवाला)
पारंगत अभिनेत्री- सायली बांदकर (रेनबोवाला)
विशेष परिक्षक पुरस्कार- देव हरवला (सिद्धार्थ अविरत)
लक्षवेधी निपुण्य- आय अॅग्री (आमचे आम्ही, पुणे)
तांत्रिक विभाग
पारंगत प्रकाशयोजना- श्याम चव्हाण (सेल्फीमग्नता)
पारंगत नेपथ्यकार- देवाशीष भरवडे- तनाया कमटे (देव हरवला)
पारंगत संगीत- निनाद म्हैसाळकर (देव हरवला)
आंतरमहाविद्यालयीन गट
पारंगत एकांकिका- मादी (डॉ. बा. आंबेडकर मराठवाडा विद्यापीठ)
पारंगत लेखक- कृष्णा वाळके (लाली)
पारंगत दिग्दर्शक- रावबा गजमल (मादी)
पारंगत अभिनेता- राजेश आगुंडे (मादी)
पारंगत अभिनेत्री- मोनिका बनकर (पी.सी.ओ.)
विशेष पुरस्कार- लाली (न्यू आर्ट कॉलेज)
लक्षवेधी निपुण्य- तुरटी (एमडी कॉलेज)
या पुरस्कारांशिवाय अभिनयासाठी कोमल वंजारे, तृप्ती गायकवाड, प्रियांका पवार, ज्ञानदा खोत, लेखनासाठी नितीन नचिकेत, दिग्दर्शनासाठी प्रणव-राहुल, संगीतासाठी अपूर्व आणि प्रफुल यांचा सन्मान पत्र देऊन गौरव आलं.
००००
एकांकिका क्षेत्रातील या पुरस्कार सोहळ्याचं कौतुक वाटतं आणि याचं आयोजन करण्याऱ्या अस्तित्व या संस्थेचे आभार मानावे तेवढे कमी आहेत. एक वेगळा अनुभव आम्हाला या एकांकिका सोहळ्यानिमित्तानं मिळाला.
स्वप्निल टकले, पारंगत अभिनेता (रेनबोवाला)