देविका जोशी, कॉलेज क्लब रिपोर्टर
'होणार सून मी...' मालिकेतून घराघरांत पोहोचलेली सगळ्यांची लाडकी अभिनेत्री तेजश्री प्रधान सध्या नाटकांमध्ये रमलेली दिसतेय. सिनेमा, मालिका आणि त्यानंतर निवेदिकेच्या भूमिकेत दिसलेली तेजश्री लवकरच एका नवीन नाटकातून प्रेक्षकांच्या भेटीला येणार आहे. रंगभूमीवर जास्तीत जास्त काम करणं ही प्रत्येक कलाकाराची इच्छा असते. अभिनेत्री तेजश्री प्रधानच्या बाबतीतही असंच काहीसं घडलंय. मालिकेपासून तिचा अभिनयप्रवास सुरु झालेला असला तरी सध्या मात्र ती विविध नाटकांमधून प्रेक्षकांसमोर येतेय. लवकरच हेमंत एदलाबादकर लिखित-दिग्दर्शित 'तिला काही सांगायचंय!' या नाटकातून मितालीच्या भूमिकेत ती प्रेक्षकांना दिसणार आहे.
'एक बंडखोर नाटक' अशी या नाटकाची टॅगलाइन आहे. नवरा बायकोमध्ये हाताळले जाणारे विषय या नाटकातून कोणतीही लाज न बाळगता स्पष्टपणे मांडले जाणार आहेत. नात्यात अनेकदा काही गोष्टी बोलायच्या राहून जातात त्या गोष्टी या नाटकातून सांगण्याचा प्रयत्न करण्यात येणार आहे. 'लेखनापलीकडे जाऊन मी तालमीनंतर भूमिकेच्या प्रत्येक हालचालीचा सखोल विचार करते. मितालीचं पात्र साकारत असताना मी महिनाभर इतर कोणतीच कामं घेतली नाहीत. या पात्राला पूर्णपणे न्याय देण्याचा माझा प्रयत्न आहे. प्रत्येक भावनेचे कंगोरे या मुलीत लपलेले आहेत. ती या नाटकात राज्य करते', असं तेजश्री सांगते. या नाटकातून तेजश्री आणि आस्ताद काळे या नव्या जोडीची जादू प्रेक्षकांना अनुभवता येणार आहे. या नाटकाला राहुल रानडे यांचं संगीत आणि शीतल तळपदे यांची प्रकाशयोजना आहे. सृजनवेध मंगेश कुलकर्णी तर नेपथ्य संदेश बेंद्रे यांचे आहे. लता नार्वेकर आणि संदीप नार्वेकर यांची निर्मिती असलेलं हे नाटक येत्या आठवड्यात २३ नोव्हेंबरला प्रेक्षकांच्या भेटीला येत आहे.
'होणार सून मी...' मालिकेतून घराघरांत पोहोचलेली सगळ्यांची लाडकी अभिनेत्री तेजश्री प्रधान सध्या नाटकांमध्ये रमलेली दिसतेय. सिनेमा, मालिका आणि त्यानंतर निवेदिकेच्या भूमिकेत दिसलेली तेजश्री लवकरच एका नवीन नाटकातून प्रेक्षकांच्या भेटीला येणार आहे. रंगभूमीवर जास्तीत जास्त काम करणं ही प्रत्येक कलाकाराची इच्छा असते. अभिनेत्री तेजश्री प्रधानच्या बाबतीतही असंच काहीसं घडलंय. मालिकेपासून तिचा अभिनयप्रवास सुरु झालेला असला तरी सध्या मात्र ती विविध नाटकांमधून प्रेक्षकांसमोर येतेय. लवकरच हेमंत एदलाबादकर लिखित-दिग्दर्शित 'तिला काही सांगायचंय!' या नाटकातून मितालीच्या भूमिकेत ती प्रेक्षकांना दिसणार आहे.
'एक बंडखोर नाटक' अशी या नाटकाची टॅगलाइन आहे. नवरा बायकोमध्ये हाताळले जाणारे विषय या नाटकातून कोणतीही लाज न बाळगता स्पष्टपणे मांडले जाणार आहेत. नात्यात अनेकदा काही गोष्टी बोलायच्या राहून जातात त्या गोष्टी या नाटकातून सांगण्याचा प्रयत्न करण्यात येणार आहे. 'लेखनापलीकडे जाऊन मी तालमीनंतर भूमिकेच्या प्रत्येक हालचालीचा सखोल विचार करते. मितालीचं पात्र साकारत असताना मी महिनाभर इतर कोणतीच कामं घेतली नाहीत. या पात्राला पूर्णपणे न्याय देण्याचा माझा प्रयत्न आहे. प्रत्येक भावनेचे कंगोरे या मुलीत लपलेले आहेत. ती या नाटकात राज्य करते', असं तेजश्री सांगते. या नाटकातून तेजश्री आणि आस्ताद काळे या नव्या जोडीची जादू प्रेक्षकांना अनुभवता येणार आहे. या नाटकाला राहुल रानडे यांचं संगीत आणि शीतल तळपदे यांची प्रकाशयोजना आहे. सृजनवेध मंगेश कुलकर्णी तर नेपथ्य संदेश बेंद्रे यांचे आहे. लता नार्वेकर आणि संदीप नार्वेकर यांची निर्मिती असलेलं हे नाटक येत्या आठवड्यात २३ नोव्हेंबरला प्रेक्षकांच्या भेटीला येत आहे.