पुन्हा ऐतिहासिक भूमिकेत

ऐतिहासिक सिनेमांपाठोपाठ टीव्हीवर ऐतिहासिक मालिकाही जोरात आहेत. त्यात मराठी कलाकार मोठ्या प्रमाणावर चमकताहेत. 'खूब लडी मर्दानी, झांसी की रानी' या नावाची हिंदी मालिका येत असून, अनुजा साठे त्यात दिसणार आहे. यात ती जानकी देवीची भूमिका साकारतेय. यापूर्वीही तिनं 'बाजीराव मस्तानी' चित्रपटामध्ये भिऊबाई आणि 'पेशवा बाजीराव' या हिंदी मालिकेत राधाबाईची भूमिका केली होती. पुन्हा एकदा ऐतिहासिक भूमिका ती कशी रंगवतेय यावर चाहत्यांचं लक्ष असेल.