आजीचा उत्साह खास

अभिनेत्री आलिया भट्ट सध्या चर्चेत आहे ते एका मेसेजमुळे. तिच्या आजीच्या वाढदिवशी तिने सोशल मी‌‌डियावर हा छानसा मेसेज लिहिला आहे. आलियाच्या आजीचा नुकताच ८८वा वाढदिवस साजरा झाला. या खास दिवसासाठी आलियाने आजीसोबतचा तिचा एक फोटो सोशल मीडियावर शेअर करत खूप छान संदेश लिहिला आहे. 'वयाच्या ८८व्या वर्षी ती माऊथ ऑर्गन वाजवत तिचा वाढदिवस साजरा करतेय. माझी गाण्याची आवड मला तिच्याकडून मिळाली हे मला या निमित्ताने समजलं' असंही तिने पुढे लिहिलं आहे.