मुंबई:
आलिया भटचा 'गली बॉय'मधला परफॉर्मन्स प्रेक्षकांना आणि समीक्षकांना खूप आवडला. पण, या भूमिकेचं कौतुक करण्यासारखं त्यात काहीही खास नाही, असं मत कंगनानं नुकतंच व्यक्त केलं होतं. त्यावर आलिया भट्टनं उत्तर दिलंय.
कंगनाच्या या वक्तव्यानंतर तिला उत्तर देताना आलिया म्हणाली, की 'मला कंगनाचा अभिनय खूप आवडतो. तिच्या मताचा मी आदर करते. ती असं म्हणत असेल तर त्यामागे काहीतरी कारण असेल. मी मेहनत घेऊन चांगलं काम केलं तर ती नक्कीच पुन्हा माझं कौतुक करेल.'
आलियाच्या या उत्तरानंतर तिच्या फॅन्सकडून तिचं कौतुक होत आहे. इतक्या लहान वयात तिच्यातील परिपक्वता पाहून सगळेच चाट पडले आहेत.