पाट्यांचे करावे काय?

वेगवेगळ्या सूचना देणारे फलक आपण नेहमीच बघतो. त्यातही पुणेरी पाट्या या तर नेहमी चेष्टेचा विषय ठरतात. त्यावरुनच एक गंमत अभिनेता आस्ताद काळेने केली. एका नाट्यगृहात ‘मद्यप्राशन करून नाचण्यास बंदी’ असा बोर्ड होता. तर दुसरीकडे ‘पुलावर गाडी लावण्यास बंदी’ असाही बोर्ड होता. मुळात अशा गोष्टींना बंदी नेहमीच असते. असे बोर्ड लावण्याची गरजच का असते, असा उपरोधिक प्रश्न त्याने सोशल मीडियावर केला आहे. त्याच्या प्रश्नात तथ्य आहेच. कारण नाट्यगृहात मद्यप्राशन करून नाचणं हे चूकच आहे. या बाबी संस्कारातूनच आल्या पाहिजेत. असे बोर्ड लावावे लागणं हे आपल्या सामाजिक अधःपतनाचं लक्षण नव्हे काय, असं त्याला सूचित करायचं आहे.