दीपिका सध्या तिच्या करिअरच्या शिखरावर आहे. गेल्या दोन-तीन वर्षांत तिनं केलेले सिनेमे बॉक्सऑफिसवर हिट ठरले आहेत. सध्या हॉलिवूड सिनेमाच्या शूटिंगसाठी ती टोरंटोमध्ये गेली आहे. इथे रणवीर सिंग तिच्या वाटेकडे डोळे लावून बसला असताना, तिथे ही बया नव्या मित्राबरोबर डेटिंग करतेय म्हणे. हा नवीन मित्र आहे टेनिसस्टार नोवोक जोकोविच. गेल्या वर्षी विम्बल्डनच्या दरम्यान त्यांची पहिल्यांदा भेट झाली होती. लॉस एंजेलिसमध्ये नुकतीच ही दोघं एकत्र डिनरला गेली होती म्हणे. तिथल्या मीडियानं या दोघांना एका रेस्तराँमधून एकत्र बाहेर पडतानाचे आणि नंतर कारमध्ये बसून जातानाचे फोटो काढले. मीडियानं दीपिकाचं वर्णन करताना, जोकोविचची नवी गर्लफ्रेंड असं केलं आहे.
दीपिकाची डिनर डेट
दीपिका सध्या तिच्या करिअरच्या शिखरावर आहे. सध्या हॉलिवूड सिनेमाच्या शूटिंगसाठी ती टोरंटोमध्ये गेली आहे.
Maharashtra Times 12 Mar 2016, 2:32 am