चाहत्यांची ‘भाभी’

हिरो-हिरॉइन प्रत्यक्षात एकमेकांच्या प्रेमात असो वा नसो, चाहत्यांसाठी मात्र ते प्रियकर-प्रेयसीच असतात. कार्तिक आर्यन आणि सारा अली खान ही जोडी अशीच प्रसिद्ध आहे. त्यांच्या आगामी चित्रपट 'लव्ह आज कल' चित्रपटाचं प्रमोशन करण्यासाठी ते अनेक शहरांत फिरताहेत. त्यांना पाहण्यासाठी गर्दी होतेय. एका इव्हेंटमध्ये गेले असताना तिथे जमलेल्या चाहत्यांनी साराला 'भाभी-भाभी' अशी हाक मारायला सुरुवात केली. ते ऐकताच दोघांचेही चेहरे पाहण्यासारखे झाले होते. त्यांचा हा व्हिडीओ सध्या सोशल मीडियावर व्हायरल होतोय.