Maharashtra Day: मराठीचा अभ्यास जोरात

अनेक बॉलीवूड कलाकारांनी मराठी भूमिका साकारण्यासाठी मराठी भाषेचा कसून अभ्यास केल्याचं आपल्याला माहितीय. आता या यादीत आणखीन एका अभिनेत्याच्या नावाचा समावेश होणार आहे. तो म्हणजे अर्जुन कपूर. अर्जुन कपूर आपल्याला आगामी 'पानिपत' चित्रपटामध्ये पाहायला मिळणार आहे. या चित्रपटात तो सदाशिवराव भाऊ यांची भूमिका साकारणार आहे. या भूमिकेसाठी तो सध्या खूप मेहनत घेत असून मराठी भाषा शिकण्याच्या तयारीलाही तो लागलाय म्हणे. मराठी भाषेचं प्रशिक्षण देण्यासाठी त्याला प्रशिक्षकही नेमून दिल्याचं कळतंय.