अभिनेता सलमान खान आयुष शर्माला घेऊन अजून एक सिनेमा बनवण्याच्या तयारीत आहे. बऱ्याच दिवसांपासून सलमान सिनेमाचे हक्क मिळण्याची वाट पाहत होता. आता त्याला हक्क मिळाल्यानं लवकरच या सिनेमाच्या चित्रीकरणाला सुरुवात होणार आहे. 'मुळशी पॅटर्न' या मराठी सिनेमाचा हा हिंदी रिमेक असून, यामध्ये आयुष अॅक्शन रोलमध्ये दिसणार आहे.
प्रवीण तरडे दिग्दर्शित 'मुळशी पॅटर्न' हा सिनेमा पुण्यातील मुळशी गावातील सत्यघटनेवर आधारित असून, यात शेतकऱ्यांची व्यथा मांडण्यात आली आहे. ओम भूतकरसोबतच महेश मांजरेकर, मोहन जोशी आणि उपेंद्र लिमये यांच्याही भूमिका आहेत. आयुषनं काही दिवसांपूर्वीच बॉलिवूडमध्ये पदार्पण केलं असून, त्याच्या 'लव्हयात्री' या पहिल्या सिनेमाची निर्मितीही सलमाननंच केली होती. याशिवाय आयुषनं संजय दत्तसोबतही एक सिनेमा साइन केला असून, यात तो अॅक्शन हिरोच्या भूमिकेत दिसण्याची शक्यता आहे.
प्रवीण तरडे दिग्दर्शित 'मुळशी पॅटर्न' हा सिनेमा पुण्यातील मुळशी गावातील सत्यघटनेवर आधारित असून, यात शेतकऱ्यांची व्यथा मांडण्यात आली आहे. ओम भूतकरसोबतच महेश मांजरेकर, मोहन जोशी आणि उपेंद्र लिमये यांच्याही भूमिका आहेत. आयुषनं काही दिवसांपूर्वीच बॉलिवूडमध्ये पदार्पण केलं असून, त्याच्या 'लव्हयात्री' या पहिल्या सिनेमाची निर्मितीही सलमाननंच केली होती. याशिवाय आयुषनं संजय दत्तसोबतही एक सिनेमा साइन केला असून, यात तो अॅक्शन हिरोच्या भूमिकेत दिसण्याची शक्यता आहे.