पुणे टाइम्स टीम
‘तान्हाजी : द अनसंग वॉरिअर’ या चित्रपटात अभिनेत्री काजोलनं साकारलेल्या सावित्रीबाईंच्या भूमिकेचं कौतुक झालं. भूमिका छोटीशीच असली, तरी चित्रपटात ती महत्त्वाची होती. नव्वदच्या दशकात अनेक चित्रपट गाजवणारी काजोल, सध्या मोजकंच काम का करते, असं तिला सतत विचारलं जातं. त्यावर काजोल म्हणाली, ‘सध्या वर्षाला एकच चित्रपट करायचं मी ठरवलं आहे आणि मी तेवढंच काम करू शकते.’
काजोल म्हणाली, ‘तुम्ही माझ्या २० वर्षांच्या करिअरचा ग्राफ पाहिलात, तर मी भारंभार चित्रपट कधीच केलेले नाहीत. मी कायमच वर्षाला एक चित्रपट करण्यावर भर दिला आहे. माझ्यामते एका भूमिकेला तेवढा वेळ द्यायलाच हवा. मी यापेक्षा जास्त काम करू शकत नाही. मला त्यात काही वावगंही वाटत नाही. मी एकाचवेळी अनेक चित्रपटांमध्ये काम करू शकत नाही. मी कधीच तसा प्रयत्न केला नाही आणि आगामी काळातही तसं काही करणार नाही. तुमचं आयुष्य उगाचंच धावपळीचं नसावं. मी उगाच काही सिद्ध करण्यासाठी इथं आलेली नाही. मला अभिनेत्री म्हणून ज्या भूमिका समाधान देतात, त्या माझ्यासाठी बास आहेत.’ ‘तान्हाजी...’ हा अजयचा शंभरावा चित्रपट आहे. अजयनं यापुढे आणखी शंभर चित्रपट केले, तरी मी माझ्या निर्णयावरच ठाम असेन, असंही काजोल सांगते.
‘तान्हाजी : द अनसंग वॉरिअर’ या चित्रपटात अभिनेत्री काजोलनं साकारलेल्या सावित्रीबाईंच्या भूमिकेचं कौतुक झालं. भूमिका छोटीशीच असली, तरी चित्रपटात ती महत्त्वाची होती. नव्वदच्या दशकात अनेक चित्रपट गाजवणारी काजोल, सध्या मोजकंच काम का करते, असं तिला सतत विचारलं जातं. त्यावर काजोल म्हणाली, ‘सध्या वर्षाला एकच चित्रपट करायचं मी ठरवलं आहे आणि मी तेवढंच काम करू शकते.’
काजोल म्हणाली, ‘तुम्ही माझ्या २० वर्षांच्या करिअरचा ग्राफ पाहिलात, तर मी भारंभार चित्रपट कधीच केलेले नाहीत. मी कायमच वर्षाला एक चित्रपट करण्यावर भर दिला आहे. माझ्यामते एका भूमिकेला तेवढा वेळ द्यायलाच हवा. मी यापेक्षा जास्त काम करू शकत नाही. मला त्यात काही वावगंही वाटत नाही. मी एकाचवेळी अनेक चित्रपटांमध्ये काम करू शकत नाही. मी कधीच तसा प्रयत्न केला नाही आणि आगामी काळातही तसं काही करणार नाही. तुमचं आयुष्य उगाचंच धावपळीचं नसावं. मी उगाच काही सिद्ध करण्यासाठी इथं आलेली नाही. मला अभिनेत्री म्हणून ज्या भूमिका समाधान देतात, त्या माझ्यासाठी बास आहेत.’ ‘तान्हाजी...’ हा अजयचा शंभरावा चित्रपट आहे. अजयनं यापुढे आणखी शंभर चित्रपट केले, तरी मी माझ्या निर्णयावरच ठाम असेन, असंही काजोल सांगते.