फक्त मंटोच!

कोणताही गुणी कलाकार भूमिकेमध्ये आपली जान ओततो. नंदिता दास दिग्दर्शित आगामी 'मंटो'मधल्या भूमिकेसाठीही नवाजुद्दीन सिद्दीकी अशीच जबरदस्त मेहनत घेतोय.

कोणताही गुणी कलाकार भूमिकेमध्ये आपली जान ओततो. नंदिता दास दिग्दर्शित आगामी 'मंटो'मधल्या भूमिकेसाठीही नवाजुद्दीन सिद्दीकी अशीच जबरदस्त मेहनत घेतोय. उर्दू लेखक सादत हसन मंटो यांच्यावर हा सिनेमा असेल. त्यासाठी तो आता सगळ्या गोष्टी बाजूला ठेवून फक्त यावरच लक्ष केंद्रित करणार आहे. हे शूटिंग संपत नाही तोवर बाकी काही नाही, असं त्यानं सांगितलं आहे. 'मंटो जसे राहायचे तसा राहण्याचा प्रयत्न मी करतोय. त्यानुसार मी घरातील गोष्टी बदलल्या आहेत. मी मंटो यांच्यासारखे कपडे घालतोय, खातोय, झोपतोय. जेणेकरून मला ते व्यक्तिमत्त्व उलगडेल' असं नवाज सांगतो. भूमिकेत शिरण्यासाठी वाट्टेल त्या गोष्टींचाचा त्याग करायची तयारी त्यानं दाखवली आहे.