​ ‘मात्र’ ते जास्त महत्त्वाचं

नेहमी सोशल साइटवर अॅक्टिव्ह असणारी रवीना टंडन आता प्रत्यक्षात मीडियासमोर येऊ लागली आहे. तिचा आगामी ‘मात्र’ हा सिनेमा प्रदर्शित होण्याच्या मार्गावर आहे. त्यामुळे माध्यमांना ती मुलाखती देतेय. याच मुलाखतीत बॉलिवूडमध्ये सरोगेट पालक होण्याचा ट्रेंड आलाय. यावर तिला प्रश्न विचारला. यावर बोलताना ती म्हणाली, ‘सरोगसी हा विज्ञानाचा एक भाग झाला. पण त्यापेक्षा मूल दत्तक घेणं जास्त महत्त्वाचं आहे. कुणाचं तरी एकाचं आयुष्य आपण आपल्यासोबत जोडतो आणि त्याला पुढे उभं राहायला आपण मदत करतो, हे सरोगसीपेक्षा महत्त्वाचं आहे’ असं ती म्हणते.