आता आवाज ऐका

अभिनयाची कमाल दाखवल्यानंतर 'फुक्रे'फेम रिचा चढ्ढा आता नव्या इनिंगसाठी सज्ज होतेय. ही अभिनेत्री आता तिच्या आवाजाची कमाल दाखवणार आहे. प्रसिद्ध आंतरराष्ट्रीय गायक-संगीतकार डॉ झिऊसबरोबर ती गाणार आहे. झिऊसला तिचा आवाज खूप आवडला म्हणे. त्यामुळे लवकरच ते दोघे एक धमाकेदार म्युझिक व्हिडीओ घेऊन येणार असल्याचं समजतं. रिचानं तिच्या या पहिल्यावहिल्या गाण्याचं रेकॉर्डिंगही पूर्ण केलंय. आता तिला गाण्यासाठीही ऑफर्स येऊ लागल्या तर आश्चर्य वाटायला नको.