पुणे टाइम्स टीम
अभिनेत्री करिना कपूरसोबत काम केल्यानंतरही तिची कुणाला भीती वाटत असेल, तर? अभिनेता-गायक दिलजित दोसांजला आजही करिनाची भीती वाटते. या दोघांनी यापूर्वी ‘उडता पंजाब’ या सिनेमात एकत्र काम केलंय. आगामी ‘गुडन्यूज’ या सिनेमात हे दोघं एकत्र दिसणार आहेत.
करिनाची भीती का वाटते, याबद्दल दिलजित म्हणाला, ‘मी फार पूर्वीपासूनच करिनाचा चाहता आहे. आम्ही दोघांनी एकत्र काम केलं, त्यानंतरही माझ्या मनातली भीती कमी झालेली नाही. ती कोणत्याही दृश्यात तिच्यातली उत्स्फूर्तता हरवू देत नाही. ते दृश्य विनोदी असो, रोमँटिक असो किंवा गंभीर असो. त्यामुळेच माझ्यावर दडपण येतं. चित्रीकरण नसेल आणि आम्ही गप्पा मारत असलो, तरी मला हे दडपण जाणवत राहतं. करिनानं हे जाणून अनेकदा मला त्यातून बाहेर काढण्याचा प्रयत्न केलाय. तरीही, ही भीती काही जात नाही.’
आगामी सिनेमाबद्दल तो म्हणाला, ‘अर्जुन पतियाला हा सिनेमा वगळला, तर मला फारशी विनोदी भूमिकांसाठी विचारणाच होत नाही. सतत गंभीर भूमिकाच मला ऑफर होतात. काही भूमिकांसाठी तुर्बन उतरवण्याची मागणी केली जात असल्यामुळे माझ्याकडे फारच कमी पर्याय उरतात.’ हिंदी सिनेमांनी आपली लोकप्रियता वाढवल्याचंही त्यानं आवर्जून नमूद केलं.
अभिनेत्री करिना कपूरसोबत काम केल्यानंतरही तिची कुणाला भीती वाटत असेल, तर? अभिनेता-गायक दिलजित दोसांजला आजही करिनाची भीती वाटते. या दोघांनी यापूर्वी ‘उडता पंजाब’ या सिनेमात एकत्र काम केलंय. आगामी ‘गुडन्यूज’ या सिनेमात हे दोघं एकत्र दिसणार आहेत.
करिनाची भीती का वाटते, याबद्दल दिलजित म्हणाला, ‘मी फार पूर्वीपासूनच करिनाचा चाहता आहे. आम्ही दोघांनी एकत्र काम केलं, त्यानंतरही माझ्या मनातली भीती कमी झालेली नाही. ती कोणत्याही दृश्यात तिच्यातली उत्स्फूर्तता हरवू देत नाही. ते दृश्य विनोदी असो, रोमँटिक असो किंवा गंभीर असो. त्यामुळेच माझ्यावर दडपण येतं. चित्रीकरण नसेल आणि आम्ही गप्पा मारत असलो, तरी मला हे दडपण जाणवत राहतं. करिनानं हे जाणून अनेकदा मला त्यातून बाहेर काढण्याचा प्रयत्न केलाय. तरीही, ही भीती काही जात नाही.’
आगामी सिनेमाबद्दल तो म्हणाला, ‘अर्जुन पतियाला हा सिनेमा वगळला, तर मला फारशी विनोदी भूमिकांसाठी विचारणाच होत नाही. सतत गंभीर भूमिकाच मला ऑफर होतात. काही भूमिकांसाठी तुर्बन उतरवण्याची मागणी केली जात असल्यामुळे माझ्याकडे फारच कमी पर्याय उरतात.’ हिंदी सिनेमांनी आपली लोकप्रियता वाढवल्याचंही त्यानं आवर्जून नमूद केलं.