वजन वाढवलं, पण...

'स्वराज्य रक्षक संभाजी'मध्ये सोयराबाईंची भूमिका साकारणारी अभिनेत्री स्नेहलता वसईकर प्रेक्षकांच्या पसंतीस उतरली. ऐतिहासिक व्यक्तिरेखा साकारताना, त्या व्यक्तिरेखेचा अभ्यास, भाषेची साथ आणि त्याबरोबरच शरीरयष्टी देखील सांभाळावी लागते, असं ती म्हणते. कथानकात राजाराम महाराजांच्या जन्माआधी त्यांना बारीक दिसायचं होतं. मग मधल्या काळात शंभूराजे मोठे होतात तेव्हा त्यांना जाड दिसणं आवश्यक होतं. आता त्यांना तसंच दिसायचं आहे. पण, कुठलंही जंकफूड न खाता, केवळ घरचं जेवण घेऊन स्वत:चं वजन वाढवलं, असं स्नेहलता सांगते.