हुशार नव्हते, पण…

अनेक भारतीय आई-बाबांची इच्छा असते आपल्या मुलानं किंवा मुलीनं डॉक्टर व्हावं. तीच इच्छा सनी लिओनीच्या पालकांचीही होती म्हणे. मुलीनं पुढे काय दिवे लावले हे सगळ्यांनाच माहितीय. आई-बाबांचं स्वप्न भंग झाल्याचं या बोल्ड अभिनेत्रीला वाईट वाटतंय. अभ्यासात ती हुशार नव्हती म्हणून काय झालं, तिनं हार मानली नाही. 'शाळेत असताना मला कायम सी ग्रेड मिळायची. मात्र याचा अर्थ मी हुशार नव्हते असा अजिबात नव्हता. पुस्तकांपेक्षा माझा कल नेहमीच स्वतःचा व्यवसाय सुरू करण्यावर होता. मी पुस्तकी किडा नव्हते पण स्ट्रीट स्मार्ट होते' असं ही सुंदरी आत्मविश्वासानं सांगते.