अत्यंत कमी वेळात अभिनेत्री म्हणून नावारुपाला आली ती स्वरा भास्कर. ‘नील बटे सन्नाटा’मधल्या तिच्या भूमिकेचंही खूप कौतुक झालं. या सिनेमातली भूमिका पाहून एक नवा सिनेमा तिच्याकडे आलाय. सिनेमाचं नाव आहे ‘अनारकली.. आरावाली’. यात बिहारमधल्या आरा इथल्या ऑर्केस्ट्रात गाणाऱ्या गायिकेची भूमिका स्वरा करणार आहे. ‘हा सिनेमा, याचा विषय आणि माझा रोल हे सगळंच वेगळं आहे. अशी भूमिका मी यापूर्वी केली नव्हती,’ असं स्वरा सांगते. या सिनेमाचं दिग्दर्शन अविनाश दास करणार आहेत. बाकीचे कलाकार अद्याप ठरलेले नसून, स्वराला घेण्याबाबतच दिग्दर्शक कमालीचे आग्रही होते, असं समजतं. स्वराचा स्वर कसा लागलाय ते आता बघू या.
स्वरा नव्या भूमिकेत
बिहारमधल्या आरा इथल्या ऑर्केस्ट्रात गाणाऱ्या गायिकेची भूमिका स्वरा करणार आहे. ‘हा सिनेमा, याचा विषय आणि माझा रोल हे सगळंच वेगळं आहे. अशी भूमिका मी यापूर्वी केली नव्हती,’ असं स्वरा सांगते.
Maharashtra Times 26 May 2016, 12:56 am