सध्या अभिनेत्री तब्बू एका रॉम-कॉम प्रकारातल्या बॉलिवूडपटाच्या शूटिंगमध्ये व्यस्त आहे. या निमित्तानं ती अनेक वर्षानंतर एक जुन्या सहकलाकारासोबत स्क्रिन शेअर करणार असल्याचं समजतंय. तो म्हणजे जिम्मी शेरगिल. आकिव अली यानं या आगामी सिनेमाचं दिग्दर्शन केलंय. १९९६ साली आलेल्या 'माचिस' सिनेमात तब्बू आणि अभिनेता जिम्मी शेरगिल यांनी एकत्र काम केलं होतं. आता तब्बल २२ वर्षानंतर पुन्हा एकदा हे दोघं एकत्र काम करणार असल्यानं ते खूप खूश असल्याचं कळतंय.
