‘घट्ट’ मैत्री

अभिनेता हर्षवर्धन राणे आणि अभिनेत्री किम शर्मा या दोघांची मैत्री जरा जास्तच 'घट्ट' झाली आहे. दोघांच्या भेटीगाठी वाढल्या असून, त्याचीच सध्या चर्चा आहे. त्यांचे एकत्र खूप फोटो सोशल मीडियावर दिसताहेत. मुंबईतल्या एका बड्या हॉटेलमध्ये अलिकडेच ते डिनरसाठी गेले होते. त्यानंतर हातात हात घालून सिनेमा पाहायला जातानाही त्यांना लोकांनी पाहिलं. दोघांमधला 'हर्ष' इतका टिपेला पोहोचलाय की त्यांच्यात काहीतरी शिजतंय असं नक्कीच म्हणता येईल.