करीना कपूर म्हणते, मला व्हिलन व्हायचंय!

मुंबई: करीना कपूरला बॉलिवूडमध्ये येऊन लवकरच २० वर्षं पूर्ण होतील. एवढ्या वर्षांत तिनं अनेक लक्षवेधी भूमिका साकारल्या. आता करीनाला वाटतंय, की नकारात्मक भूमिका साकारायला हवी.

करीनानं तिच्या कारकीर्दीत पहिल्यांदा निगेटिव्ह भूमिका साकारली होती, २००४ साली 'फिदा' सिनेमात. या सिनेमात करीना पाहुणी कलाकार होती. पण, आपल्याला पुन्हा एकदा, पण पूर्ण लांबीची खलनायकी भूमिका साकारायची आहे, असं तिनं नुकतंच माध्यमांशी गप्पा मारताना सांगितलं.