मटा ऑनलाइन वृत्त । मुंबई
अभिनेत्री कंगना राणावतला अभिनयाच्या वेगळ्या उंचीवर नेऊन ठेवणारा 'क्वीन' हा सिनेमा आता आणखी चार भाषांमध्ये येणार आहे. २०१४ मध्ये प्रदर्शित झालेल्या या सिनेमासाठी कंगनाला राष्ट्रीय पुरस्कार मिळाला आहे. आता तेलगु, मल्याळम, कन्नड आणि तामिळ भाषेत या सिनेमाचा रिमेक बनणार आहे.
या चारही सिनेमात चार वेगवेगळ्या अभिनेत्री क्वीन साकारणार आहेत. तमन्ना भाटिया, काजल अग्रवाल, मंजिमा मोहन आणि पारुल यादव या अभिनेत्री या चार सिनेमांमध्ये कंगनाची मुख्य भूमिका करणार आहेत.
तेलगु आणि मल्याळम रिमेकमध्ये अभिनेत्री शिबानी दांडेकर कंगनाची मैत्रीण विजयलक्ष्मीची भूमिका निभावणार आहे. मूळ सिनेमात ही भूमिका लिसा हेडनने साकार केली होती. अन्य दोन सिनेमांमध्ये ही भूमिका एली अवराम करणार आहे. 'मिकी वायरस' या सिनेमातून एलीने बॉलिवूडमध्ये पदार्पण केले. 'पोस्टर बॉइज' मध्ये तिने एक आयटम साँगही केलंय. या चारही सिनेमांचे पहिले शेड्यूल फ्रान्समध्ये सुरू होणार आहे.
अभिनेत्री कंगना राणावतला अभिनयाच्या वेगळ्या उंचीवर नेऊन ठेवणारा 'क्वीन' हा सिनेमा आता आणखी चार भाषांमध्ये येणार आहे. २०१४ मध्ये प्रदर्शित झालेल्या या सिनेमासाठी कंगनाला राष्ट्रीय पुरस्कार मिळाला आहे. आता तेलगु, मल्याळम, कन्नड आणि तामिळ भाषेत या सिनेमाचा रिमेक बनणार आहे.
या चारही सिनेमात चार वेगवेगळ्या अभिनेत्री क्वीन साकारणार आहेत. तमन्ना भाटिया, काजल अग्रवाल, मंजिमा मोहन आणि पारुल यादव या अभिनेत्री या चार सिनेमांमध्ये कंगनाची मुख्य भूमिका करणार आहेत.
तेलगु आणि मल्याळम रिमेकमध्ये अभिनेत्री शिबानी दांडेकर कंगनाची मैत्रीण विजयलक्ष्मीची भूमिका निभावणार आहे. मूळ सिनेमात ही भूमिका लिसा हेडनने साकार केली होती. अन्य दोन सिनेमांमध्ये ही भूमिका एली अवराम करणार आहे. 'मिकी वायरस' या सिनेमातून एलीने बॉलिवूडमध्ये पदार्पण केले. 'पोस्टर बॉइज' मध्ये तिने एक आयटम साँगही केलंय. या चारही सिनेमांचे पहिले शेड्यूल फ्रान्समध्ये सुरू होणार आहे.