मुंबई:
आपल्या कलाकृतींमधून प्रवाहाबाहेरच्या भारतीय स्त्रीचं भावविश्व जोरकसपणे मांडणाऱ्या सुप्रसिद्ध निर्मात्या-दिग्दर्शक व पटकथाकाकर कल्पना लाज्मी यांचं आज दीर्घ आजारानं निधन झालं. त्या ६४ वर्षांच्या होत्या. मुंबईतील कोकीलाबेन रुग्णालयात पहाटे साडेचारच्या सुमारास त्यांनी अखेरचा श्वास घेतला. त्यांच्या निधनाबद्दल बॉलिवूडमधील कलाकारांनी दु:ख व्यक्त केलं आहे.
लाज्मी यांना मूत्रपिंडाचा कर्करोग झाला होता. गेली काही वर्षे त्या या आजाराशी झुंज देत होत्या. सततचे आजार व कामापासून दूर राहिल्यामुळं त्यांची आर्थिक परिस्थितीही खालावली होती. अभिनेता आमिर खाननं त्यांना उपचारांसाठी आर्थिक मदतही केली होती. प्रसिद्ध चित्रकार ललिता लाज्मी यांच्या त्या कन्या होत्या. तर, चित्रपट निर्माते गुरुदत्त त्यांचे मामा होते.
प्रख्यात लेखिका महाश्वेतादेवी यांच्या कथेवर आधारित 'रुदाली' चित्रपटानं कल्पना लाज्मी यांना वेगळी ओळख दिली होती. त्याशिवाय 'एक पल', 'दरमियां', 'क्यों?', दामन आणि 'चिंगारी'सारख्या चित्रपटांमधून त्यांनी आपली छाप पडली होती. निर्माते-दिग्दर्शक श्याम बेनेगल यांच्या चित्रपटांतून साहाय्यक दिग्दर्शिका म्हणून त्यांनी सिनेविश्वात पदार्पण केलं होतं. त्यांनी अनेक माहितीपटांचंही दिग्दर्शन केलं होतं. भारतीय स्त्री जीवनाचे कधीही समोर न आलेले कंगोरे त्यांनी आपल्या चित्रपटांतून उलगडले होते.
सुप्रसिद्ध गायक भूपेन हजारिका हे त्यांचे जवळचे मित्र होते. लाज्मी यांनी हजारिका यांच्या आयुष्यावर 'भूपेन हजारिका: अॅज आय न्यू हिम' नावाचं पुस्तकही लिहिलं होतं. अभिनेत्री सोनी राजदान, हुमा कुरेशी यांच्यासह बॉलिवूडमधील अनेक मान्यवरांनी दु:ख व्यक्त केलं आहे.
आपल्या कलाकृतींमधून प्रवाहाबाहेरच्या भारतीय स्त्रीचं भावविश्व जोरकसपणे मांडणाऱ्या सुप्रसिद्ध निर्मात्या-दिग्दर्शक व पटकथाकाकर कल्पना लाज्मी यांचं आज दीर्घ आजारानं निधन झालं. त्या ६४ वर्षांच्या होत्या. मुंबईतील कोकीलाबेन रुग्णालयात पहाटे साडेचारच्या सुमारास त्यांनी अखेरचा श्वास घेतला. त्यांच्या निधनाबद्दल बॉलिवूडमधील कलाकारांनी दु:ख व्यक्त केलं आहे.
लाज्मी यांना मूत्रपिंडाचा कर्करोग झाला होता. गेली काही वर्षे त्या या आजाराशी झुंज देत होत्या. सततचे आजार व कामापासून दूर राहिल्यामुळं त्यांची आर्थिक परिस्थितीही खालावली होती. अभिनेता आमिर खाननं त्यांना उपचारांसाठी आर्थिक मदतही केली होती. प्रसिद्ध चित्रकार ललिता लाज्मी यांच्या त्या कन्या होत्या. तर, चित्रपट निर्माते गुरुदत्त त्यांचे मामा होते.
प्रख्यात लेखिका महाश्वेतादेवी यांच्या कथेवर आधारित 'रुदाली' चित्रपटानं कल्पना लाज्मी यांना वेगळी ओळख दिली होती. त्याशिवाय 'एक पल', 'दरमियां', 'क्यों?', दामन आणि 'चिंगारी'सारख्या चित्रपटांमधून त्यांनी आपली छाप पडली होती. निर्माते-दिग्दर्शक श्याम बेनेगल यांच्या चित्रपटांतून साहाय्यक दिग्दर्शिका म्हणून त्यांनी सिनेविश्वात पदार्पण केलं होतं. त्यांनी अनेक माहितीपटांचंही दिग्दर्शन केलं होतं. भारतीय स्त्री जीवनाचे कधीही समोर न आलेले कंगोरे त्यांनी आपल्या चित्रपटांतून उलगडले होते.
सुप्रसिद्ध गायक भूपेन हजारिका हे त्यांचे जवळचे मित्र होते. लाज्मी यांनी हजारिका यांच्या आयुष्यावर 'भूपेन हजारिका: अॅज आय न्यू हिम' नावाचं पुस्तकही लिहिलं होतं. अभिनेत्री सोनी राजदान, हुमा कुरेशी यांच्यासह बॉलिवूडमधील अनेक मान्यवरांनी दु:ख व्यक्त केलं आहे.