मुंबई:
ट्रॉम्बे येथील एस्सेल स्टुडिओत 'झिंग झिंग झिंगाट' या कार्यक्रमाच्या सेटवर आज दुपारी ३.३० च्या सुमारास आग लागली. या कार्यक्रमाचे सूत्रसंचालक आदेश बांदेकर या आगीतून सुखरूप बचावले. आग लागली तेव्हा ते सेटवरच होते. शॉर्टसर्किटमुळे ही आग लागल्याची प्राथमिक माहिती आहे. झी मराठीवर हा कार्यक्रम प्रसारित होतो. आग लागली तेव्हा स्पर्धक आणि प्रेक्षकही मोठ्या प्रमाणात सेटवर होते. या सर्वांना आगीतून सुखरूप बाहेर काढण्यात यश आलं आहे.
या आगीसंदर्भात आदेश बांदेकर यांनी माध्यमांना अधिक तपशील दिला. आग लागली तेव्हा सेटवर सुमारे १५०-२०० जण उपस्थित होते. आम्ही प्रसंगावधान दाखवल्यामुळे मोठा अनर्थ टळला. सेटवर आग प्रतिबंधक यंत्रणा उपलब्ध होती. त्यामुळे आग लगेचच आटोक्यात आणता आली व मोठी हानी टळली, असे बांदेकर यांनी सांगितले.
ट्रॉम्बे येथील एस्सेल स्टुडिओत 'झिंग झिंग झिंगाट' या कार्यक्रमाच्या सेटवर आज दुपारी ३.३० च्या सुमारास आग लागली. या कार्यक्रमाचे सूत्रसंचालक आदेश बांदेकर या आगीतून सुखरूप बचावले. आग लागली तेव्हा ते सेटवरच होते. शॉर्टसर्किटमुळे ही आग लागल्याची प्राथमिक माहिती आहे.
या आगीसंदर्भात आदेश बांदेकर यांनी माध्यमांना अधिक तपशील दिला. आग लागली तेव्हा सेटवर सुमारे १५०-२०० जण उपस्थित होते. आम्ही प्रसंगावधान दाखवल्यामुळे मोठा अनर्थ टळला. सेटवर आग प्रतिबंधक यंत्रणा उपलब्ध होती. त्यामुळे आग लगेचच आटोक्यात आणता आली व मोठी हानी टळली, असे बांदेकर यांनी सांगितले.