मुंबई :
हिंदी सिनेसृष्टीतील एक मानबिंदू असलेला कपूर परिवाराचा चेंबूर येथील आरके स्टुडिओ अखेर विकला गेला आहे. गोदरेज समूहाच्या गोदरेज प्रॉपर्टीज कंपनीने हा स्टुडिओ खरेदी केला असून या डीलचा तपशील मात्र उघड करण्यात आलेला नाही.
हिंदी सिनेसृष्टीत कपूर परिवारासोबतच आरके स्टुडिओचंही मोठं योगदान राहिलेलं आहे. मात्र, दोन वर्षांपूर्वी आरके स्टुडिओत भीषण आग लागली आणि स्टुडिओचं मोठ्या प्रमाणात नुकसान झालं. त्यानंतर हा ऐतिहासिक स्टुडिओ विकण्याचा निर्णय कपूर परिवाराने घेतला. गेल्या वर्षभरापासून या स्टुडिओसाठी खरेदीदाराचा शोध सुरू होता. हा शोध अखेर थांबला असून गोदरेज प्रॉपर्टीजसोबत डील पक्के करण्यात आले आहे.
आरके स्टुडिओ किती किमतीत विकला गेला याचा तपशील कपूर परिवार किंवा गोदरेजकडून उघड करण्यात आलेला नसून स्टुडिओच्या ३३ हजार स्क्वेअर फूट जागेवर आलिशान फ्लॅट आणि शॉप्स उभारण्याचा विचार असल्याचे गोदरेजकडून स्पष्ट करण्यात आले आहे. गोदरेज समूहाचे कार्यकारी संचालक फिरोजशहा गोदरेज यांनी या वृत्ताला दुजोरा दिला आहे. चेंबूरमधील ही ऐतिहासिक वास्तू आता आमच्या कंपनीच्या मालकीची झाली आहे, असे गोदरेज यांनी नमूद केले. तर रणधीर कपूर यांनीही त्यास पुष्टी दिली. कपूर परिवारासाठी ही अत्यंत महत्त्वाची अशी वास्तू होती, मात्र आता या वास्तूचा पुढचा प्रवास गोदरेजच्या हाती असणार आहे, असे रणधीर कपूर यांनी सांगितले.
१९४८ मध्ये झाली होती स्थापना
दिवंगत अभिनेते राज कपूर यांनी १९४८ मध्ये आरके स्टुडिओची स्थापना केली होती. या स्टुडिओतून अनेक दर्जेदार आणि सुपरहिट चित्रपटांची निर्मिती झाली. स्टुडिओत दरवर्षी साजरा होणारा गणेशोत्सव सर्वांचेच आकर्षण होते. गेल्यावर्षीही येथे गणेशोत्सव साजरा झाला होता.
हिंदी सिनेसृष्टीतील एक मानबिंदू असलेला कपूर परिवाराचा चेंबूर येथील आरके स्टुडिओ अखेर विकला गेला आहे. गोदरेज समूहाच्या गोदरेज प्रॉपर्टीज कंपनीने हा स्टुडिओ खरेदी केला असून या डीलचा तपशील मात्र उघड करण्यात आलेला नाही.
हिंदी सिनेसृष्टीत कपूर परिवारासोबतच आरके स्टुडिओचंही मोठं योगदान राहिलेलं आहे. मात्र, दोन वर्षांपूर्वी आरके स्टुडिओत भीषण आग लागली आणि स्टुडिओचं मोठ्या प्रमाणात नुकसान झालं. त्यानंतर हा ऐतिहासिक स्टुडिओ विकण्याचा निर्णय कपूर परिवाराने घेतला. गेल्या वर्षभरापासून या स्टुडिओसाठी खरेदीदाराचा शोध सुरू होता. हा शोध अखेर थांबला असून गोदरेज प्रॉपर्टीजसोबत डील पक्के करण्यात आले आहे.
आरके स्टुडिओ किती किमतीत विकला गेला याचा तपशील कपूर परिवार किंवा गोदरेजकडून उघड करण्यात आलेला नसून स्टुडिओच्या ३३ हजार स्क्वेअर फूट जागेवर आलिशान फ्लॅट आणि शॉप्स उभारण्याचा विचार असल्याचे गोदरेजकडून स्पष्ट करण्यात आले आहे. गोदरेज समूहाचे कार्यकारी संचालक फिरोजशहा गोदरेज यांनी या वृत्ताला दुजोरा दिला आहे. चेंबूरमधील ही ऐतिहासिक वास्तू आता आमच्या कंपनीच्या मालकीची झाली आहे, असे गोदरेज यांनी नमूद केले. तर रणधीर कपूर यांनीही त्यास पुष्टी दिली. कपूर परिवारासाठी ही अत्यंत महत्त्वाची अशी वास्तू होती, मात्र आता या वास्तूचा पुढचा प्रवास गोदरेजच्या हाती असणार आहे, असे रणधीर कपूर यांनी सांगितले.
१९४८ मध्ये झाली होती स्थापना
दिवंगत अभिनेते राज कपूर यांनी १९४८ मध्ये आरके स्टुडिओची स्थापना केली होती. या स्टुडिओतून अनेक दर्जेदार आणि सुपरहिट चित्रपटांची निर्मिती झाली. स्टुडिओत दरवर्षी साजरा होणारा गणेशोत्सव सर्वांचेच आकर्षण होते. गेल्यावर्षीही येथे गणेशोत्सव साजरा झाला होता.