अ‍ॅपशहर

स्वतःलाच 'गिटार' गिफ्ट!

तरुण दमाच्या संगीत दिग्दर्शकांपैकी एक म्हणजे समीर साप्तीस्कर. 'दुनियादारी', 'प्यार वाली लव्ह स्टोरी', 'एफयू', 'घंटा' यांसारख्या सिनेमांसह अनेक टीव्ही मालिकांच्या शीर्षक गीतांचं संगीत दिग्दर्शन तसंच 'अनन्या' या नाटकाचं संगीतही त्यानं केलंय.

Maharashtra Times 3 May 2018, 9:32 am
तरुण दमाच्या संगीत दिग्दर्शकांपैकी एक म्हणजे समीर साप्तीस्कर. 'दुनियादारी', 'प्यार वाली लव्ह स्टोरी', 'एफयू', 'घंटा' यांसारख्या सिनेमांसह अनेक टीव्ही मालिकांच्या शीर्षक गीतांचं संगीत दिग्दर्शन तसंच 'अनन्या' या नाटकाचं संगीतही त्यानं केलंय. या गुणी संगीत दिग्दर्शकाचा वाढदिवस असून यानिमित्त त्यांनं एक खास आठवण मुंटाच्या वाचकांसोबत शेअर केलीय.
महाराष्ट्र टाइम्स.कॉम Samir-Saptiskar


अनेकांना उत्सुकता असते की, आपल्याला वाढदिवसानिमित्त काय 'बर्थ डे' गिफ्ट मिळणार. तशीच उत्सुकता मलाही असायची. चार-पाच वर्षांपूर्वीची गोष्ट आहे. मला नेहमी वाटायचं की कोणीतरी मला 'गिटार' वाढदिवसाला भेटवस्तू म्हणून द्यावी. एका संगीत दिग्दर्शकाला अजून काय हवं असतं. पण तसं गिफ्ट कोणीच देत नव्हतं. मग मी ठरवलं की, आपण स्वत:लाच जी 'गिटार' हवीय ती घेऊ. त्यावर्षी काही अॅनिमेशनपटांच्या संगीत दिग्दर्शनाच्या कामाचे चांगले पैसे मिळाले होते. त्या मिळालेल्या मानधनातून मी माझ्या वाढदिवशी 'सायलेंट गिटार' खरेदी करुन स्वतःला गिफ्ट केली. त्यावेळी त्याची किंमत पन्नास हजारच्या आसपास होती. त्यानंतर मी आजवर दहाहून अधिक गिटार घेतल्या. प्रत्येकाला काहीना काही खरेदी करण्याची आवड असते. कोणी दागिने खरेदी करतं तर मोटार बाइक. मला गिटारचा संग्रह करायला आवडतो. माझ्यासाठी गिटार हाच माझा बहुमूल्य दागिना आहे. आता मला दीड लाख किंमतीची 'मार्टिन' गिटार घ्यायची आहे. तीही मी येत्या एक-दोन वर्षातील वाढदिवशी नक्की घेईन. माझ्याकडील ज्या गिटार जुन्या झाल्या आहेत, पण वाजण्यासाठी सुस्थितीत आहेत. अशा 'गिटार' मी कोणाला विकत नाही. तर ज्यांना 'गिटार' शिकायची आवड आहे अशा मित्रांना त्या मी गिफ्ट करतो. जेणेकरुन ते गिटारच्या माध्यमातून पुढेही सुरमय संगीताची निर्मिती होत राहो!

शब्दांकन- कल्पेशराज कुबल

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज