'हाफ गर्लफ्रेंड'चा हटके ट्रेलर प्रदर्शित

मटा ऑनलाइन वृत्त । मुंबई

लोकप्रिय लेखक चेतन भगत यांच्या 'हाफ गर्लफ्रेंड' या कादंबरीवर आधारित 'हाफ गर्लफ्रेंड' या सिनेमाचा ट्रेलर आज इंटरनेटवर झळकला आहे. छोट्या गावात राहणारा माधव झा (अर्जुन कपूर) आणि स्वच्छंद, मोकळंढाकळं आयुष्य जगणारी रिया सोमाणी (श्रद्धा कपूर) यांची ही गोष्ट आहे. 'दोस्त से ज्यादा, गर्लफ्रेंड से कम', अशी टॅगलाइन असलेल्या या सिनेमातील प्रेमकथा हटके असल्याचं ट्रेलरवरून जाणवतं. हा सिनेमा १९ मे रोजी प्रदर्शित होणार आहे. हा ट्रेलर पहिल्यास चित्रपटाबद्दलची उत्सुकता नक्कीच वाढेल.