म. टा. प्रतिनिधी, पुणे'सई ताम्हणकरने मध्यंतरी मराठी चित्रपटांत पुरुषांच्या बरोबरीने महिलांना मानधन मिळावे, असा मुद्दा उपस्थित केला होता. खरंतर सई माझी खूप चांगली मैत्रीण आहे, पण मला तिचा हा मुद्दा पटला नाही, असे मी म्हणेन. मित्र आहोत म्हणून 'हो ला हो' मिळवणारी मी नाही. मला सईच्या मुद्द्यावर एकच प्रश्न विचारायचा आहे की, चित्रपटासाठी जेवढा व्यवसाय स्वप्नील जोशी किंवा अंकुश चौधरीसारखे अभिनेते आणू शकतात, तेवढा मी किंवा सई एक अभिनेत्री म्हणून स्वतःच्या नावाच्या बळावर आणू शकतो का ?... याचे उत्तर अर्थातच आजतरी 'नाही' असेच आहे. म्हणून मी सईशी असहमत आहे,' असे अभिनेत्री तेजस्विनी पंडित हिने सांगितले.पुणे श्रमिक पत्रकार संघाने आयोजित केलेल्या 'सांस्कृतिक कट्ट्या'वर तेजस्विनीने पत्रकारांशी गुरुवारी संवाद साधला. या वेळी तिने विविध विषयांवर मुक्तपणे आपली मतं मांडली. शिवाय, अभिनेत्री सई ताम्हणकरने काही दिवसांपूर्वी उपस्थित केलेल्या मुद्द्यावरही तिने स्पष्ट मत मांडले. ती म्हणाली, 'टेबलवर चित्रपट जेव्हा विकायला ठेवला जातो, तेव्हा आधी पुरुष अभिनेत्यांचे नाव घेतले जाते, हे वास्तव आहे. मराठीत अजूनही पुरुष अभिनेत्यांची लोकप्रियता आमच्यापेक्षा तुलनेने खूप जास्त आहे, हे मी मान्यच करते. व्यावहारिक निकषांवर त्यांना पैसे जास्त मिळायला माझी हरकत नाही. पण हो, जी फिल्म महिलेच्या मध्यवर्ती भूमिकेची असेल, त्यात मात्र महिलांना अधिक पैसे मिळावेत, असेही मी नक्कीच म्हणेन...'तेजस्विनी पुढे म्हणाली, 'आज अनेक हिंदी चित्रपटांतून बरेच मराठी कलाकार आपल्या दर्जेदार कामाने अनेक भूमिका गाजवत आहेत. मराठी कलाकारांच्या गुणवत्तेत हिंदीच्या उलनेत काकणभरही कमतरता नाही, हे यातून स्पष्ट आहे. पूर्वीच्या तुलनेत हिंदी चित्रपटसृष्टीकडून आता उशीरा का होईना पण मराठी गुणवत्तेची योग्य दखल घेतली जायला लागली आहे. मराठी म्हणून आपला स्वाभिमान आपण राखावा, या मताची मी आहे.'वेब सीरिज या माध्यमाने कलाकारांपुढे 'चौथा दरवाजा' उघडला आहे. त्यात चांगल्या संधी आहेत. आता नाटक, सिनेमा आणि टीव्हीला नवा पर्याय उभा राहिला आहे. हे मध्यम वास्तववादी आणि उत्तम आहे, असेही ती म्हणाली.ट्रोलिंगला घाबरत नाही
मला लोकांशी मुक्तपणे संवाद साधायला आवडते. कधीकधी मी इतके स्पष्ट बोलते की, त्याचा लोकांना त्रास सुद्धा होतो. मग सोशल मीडियावर माझ्यावर 'ट्रोलिंग' देखील केले जाते. असे माझ्या बाबतीत अनेकदा घडले आहे. पण खरे सांगायचे तर मला आता 'ट्रोल्स'ची सवय झाली आहे. मी आता ऑनलाईन ट्रोलिंगला घाबरत नाही. त्यांचा टीकेचा; ती कितीही चुकीच्या पद्धतीने केलेली असली तरीही मी आताशा त्रासही करून घेत नाही, असे तेजस्विनी म्हणाली.पुण्याची असूनही टोमणे मारत नाही !तेजस्विनी म्हणाली, 'पुण्याविषयी आणि पुणेकरांविषयी अनेकांना अनेक गैरसमज आहेत. पुणेकर स्पष्ट बोलतात म्हणून असेल कदाचित. किंवा टोमणे मारतात म्हणून असेल कदाचित... पण मी पुणेरी असूनही मला कधीच कुणी पुणेरी म्हटलेले नाही. अर्थात, पुण्याची असूनही मी टोमणे कधीच मारत नाही आणि खोचक कधीच बोलत नाही. हो, मी स्पष्टवक्ती मात्र नक्कीच आहे आणि पुण्याविषयी मला मनापासून प्रेमही आहे.'
मला लोकांशी मुक्तपणे संवाद साधायला आवडते. कधीकधी मी इतके स्पष्ट बोलते की, त्याचा लोकांना त्रास सुद्धा होतो. मग सोशल मीडियावर माझ्यावर 'ट्रोलिंग' देखील केले जाते. असे माझ्या बाबतीत अनेकदा घडले आहे. पण खरे सांगायचे तर मला आता 'ट्रोल्स'ची सवय झाली आहे. मी आता ऑनलाईन ट्रोलिंगला घाबरत नाही. त्यांचा टीकेचा; ती कितीही चुकीच्या पद्धतीने केलेली असली तरीही मी आताशा त्रासही करून घेत नाही, असे तेजस्विनी म्हणाली.पुण्याची असूनही टोमणे मारत नाही !तेजस्विनी म्हणाली, 'पुण्याविषयी आणि पुणेकरांविषयी अनेकांना अनेक गैरसमज आहेत. पुणेकर स्पष्ट बोलतात म्हणून असेल कदाचित. किंवा टोमणे मारतात म्हणून असेल कदाचित... पण मी पुणेरी असूनही मला कधीच कुणी पुणेरी म्हटलेले नाही. अर्थात, पुण्याची असूनही मी टोमणे कधीच मारत नाही आणि खोचक कधीच बोलत नाही. हो, मी स्पष्टवक्ती मात्र नक्कीच आहे आणि पुण्याविषयी मला मनापासून प्रेमही आहे.'