जोधपूर :
'पद्मावत' सिनेमाबाबत जे आक्षेप घेतले गेले आहेत, सिनेमात तसे काहीच नाही. राणी पद्मावती शिष्टता आणि धाडसाचं महान प्रतिक होत्या. या चित्रपटात देशातील गौरवशाली इतिहास दाखवला गेला आहे, त्यावर संपूर्ण देशाला अभिमान वाटला पाहिजे, असं सांगत राजस्थान न्यायालयाने 'पद्मावत' सिनेमाचं कौतुक केलं.
संजय लीला भन्साळी यांच्या विरोधात जो एफआयआर दाखल करण्यात आला आहे, त्यात करण्यात आलेल्या आरोपांपैकी काहीही या सिनेमात आढळले नाही. त्यामुळे न्यायालयाने भन्साळी, अभिनेत्री दीपिका पादूकोण आणि अभिनेता रणवीर यांच्याविरोधातील एफआयआर रद्द करण्याचे आदेशही दिले. या सिनेमात इतिहासाची मोडतोड करण्यात आली असून त्यामुळे राजपूत समाजाच्या भावना दुखावल्याचा आरोप करण्यात आला होता.
यावेळी उच्च न्यायालयाने सर्वोच्च न्यायालयाच्या आदेशाचा हवाला देत राजस्थानमध्ये संपूर्ण बंदोबस्तात हा सिनेमा प्रदर्शित करण्याचे आदेशही दिले. न्यायाधीश संदीप मेहता यांच्या समोर ही सुनावणी झाली. सोमवारी शहरातील एका सिनेमागृहात न्यायाधीश मेहता यांच्यासाठी 'पद्मावत'च्या खास खेळाचं आयोजन करण्यात आलं होतं. यावेळी पोलिसांचा मोठा बंदोबस्त ठेवण्यात आला होता.
'पद्मावत' सिनेमाबाबत जे आक्षेप घेतले गेले आहेत, सिनेमात तसे काहीच नाही. राणी पद्मावती शिष्टता आणि धाडसाचं महान प्रतिक होत्या. या चित्रपटात देशातील गौरवशाली इतिहास दाखवला गेला आहे, त्यावर संपूर्ण देशाला अभिमान वाटला पाहिजे, असं सांगत राजस्थान न्यायालयाने 'पद्मावत' सिनेमाचं कौतुक केलं.
संजय लीला भन्साळी यांच्या विरोधात जो एफआयआर दाखल करण्यात आला आहे, त्यात करण्यात आलेल्या आरोपांपैकी काहीही या सिनेमात आढळले नाही. त्यामुळे न्यायालयाने भन्साळी, अभिनेत्री दीपिका पादूकोण आणि अभिनेता रणवीर यांच्याविरोधातील एफआयआर रद्द करण्याचे आदेशही दिले. या सिनेमात इतिहासाची मोडतोड करण्यात आली असून त्यामुळे राजपूत समाजाच्या भावना दुखावल्याचा आरोप करण्यात आला होता.
यावेळी उच्च न्यायालयाने सर्वोच्च न्यायालयाच्या आदेशाचा हवाला देत राजस्थानमध्ये संपूर्ण बंदोबस्तात हा सिनेमा प्रदर्शित करण्याचे आदेशही दिले. न्यायाधीश संदीप मेहता यांच्या समोर ही सुनावणी झाली. सोमवारी शहरातील एका सिनेमागृहात न्यायाधीश मेहता यांच्यासाठी 'पद्मावत'च्या खास खेळाचं आयोजन करण्यात आलं होतं. यावेळी पोलिसांचा मोठा बंदोबस्त ठेवण्यात आला होता.