पूनम सिंग बिष्ट
हॉलिवूडकडून ऑफर येणं म्हणजे कलाकारासाठी जणू सर्वोच्च संधीच. पण, बॉलिवूडचे काही कलाकार असेही आहेत ज्यांनी चक्क हॉलिवूडची ऑफर धुडकावून लावली आहे. अशाच काही कलाकारांविषयी…
बॉलिवूडमध्ये नाव कमावलं की हल्ली कलाकारांना हॉलिवूडचे वेध लागतात. प्रियांका चोप्रा तर आता बॉलिवूडमध्ये कमी आणि हॉलिवूडमध्येच जास्त दिसते. दीपिका, इरफान अशा काही कलाकारांनीही हॉलिवूडमध्ये आपली चमक दाखवली आहे. पण, काही स्टार्स असे आहेत ज्यांनी चक्क हॉलिवूडच्या ऑफर्सही नाकारल्या आहेत.
‘स्लमडॉग’मध्ये अनिल कपूरनं केलेली भूमिका आधी सुपरस्टार शाहरुख खानला ऑफर करण्यात आली होती. पण आपली स्टार व्हॅल्यू कमी होईल या भीतीनं शाहरुखने स्लमडॉग केला नाही. २००४ मध्ये आलेल्या, ब्रॅड पिटच्या ‘ट्रॉय’मध्ये ऐश्वर्या राय-बच्चन हिरोइन म्हणून दिसणार होती. पण यात ब्रॅड पिटसोबत काही दृश्य अशी होती जी करण्यासाठी ऐश्वर्याने नकार दिला. अखेर ती भूमिका एका ऑस्ट्रेलियन अभिनेत्रीकडे गेली.
मला हॉलिवूडमध्ये काम करायचं नाही, असं हृतिक रोशन नेहमीच म्हणत आलाय. त्याला ‘द पिंक पँथर २’ मध्ये मध्यवर्ती भूमिकेसाठी विचारण्यात आलं होतं. पण आपल्या मतांवर ठाम राहत त्याने सिनेमा करण्यासाठी नकार दिला.
टीव्हीवरचा लोकप्रिय अभिनेता रोनित रॉय याला २०१२च्या ऑस्करमध्ये सगळ्यात जास्त नामांकनं मिळालेली आणि केथरीन बिग्लोवच्या ‘झिरो डार्क थर्टी’ एक रोल ऑफर झाला होता. पण तेव्हा तो ‘स्टुडंट ऑफ दि इयर’च्या शूटमध्ये व्यग्र होता. ‘झिरो डार्क थर्टी’ हा सिनेमा लादेनसाठी अमेरिकेनं हाती घेतलेल्या मोहिमेवर आधारित होता. अक्षय कुमारला नुकतच रॉक जोन्सनसोबतच्या एका भूमिकेसाठी विचारण्यात आलं होतं. पण खिलाडी कुमारने भारत सोडून सध्या तरी आणखी कुठे काम करायचा विचार नाही असं म्हणून प्रोजेक्टला नकार दिला.
श्रीदेवीनं बाहुबली नाकारला होता या चर्चेविषयी ‘मटा’नं तिलाच विचारलं असता, ती म्हणाली की, बाहुबलीचं काय घेऊन बसलात मी ‘ज्युरासिक पार्क’लाही नाही म्हटलं होतं. तिथे जाऊन उगीच छोटी-छोटी काम करून स्वतःची किंमत कमी का करून घ्यायची? त्यापेक्षा मी इथेच बरी आहे.’ इरफान खान आता ग्लोबल स्टार म्हणून ओळखला जातो. पण त्यानंही ख्रिस्तोफर नोलनच्या ‘इंटरस्टेलार’ला नकार दिला होता. नोलन हे हॉलीवूडच्या दिग्दर्शकांमधलं एक बडं नाव आहे. त्यात ‘इंटरस्टेलार’मध्ये इरफानला डॉ. मानच्या भूमिकेसाठी विचारण्यात आलं होतं. पण त्यावेळी ‘लंच बॉक्स’ आणि ‘डी डे’साठी त्यानं तारखा दिल्या होत्या. त्यामुळे त्यानं चक्क नोलनला नाही म्हटलं होतं.
हॉलिवूडकडून ऑफर येणं म्हणजे कलाकारासाठी जणू सर्वोच्च संधीच. पण, बॉलिवूडचे काही कलाकार असेही आहेत ज्यांनी चक्क हॉलिवूडची ऑफर धुडकावून लावली आहे. अशाच काही कलाकारांविषयी…
बॉलिवूडमध्ये नाव कमावलं की हल्ली कलाकारांना हॉलिवूडचे वेध लागतात. प्रियांका चोप्रा तर आता बॉलिवूडमध्ये कमी आणि हॉलिवूडमध्येच जास्त दिसते. दीपिका, इरफान अशा काही कलाकारांनीही हॉलिवूडमध्ये आपली चमक दाखवली आहे. पण, काही स्टार्स असे आहेत ज्यांनी चक्क हॉलिवूडच्या ऑफर्सही नाकारल्या आहेत.
‘स्लमडॉग’मध्ये अनिल कपूरनं केलेली भूमिका आधी सुपरस्टार शाहरुख खानला ऑफर करण्यात आली होती. पण आपली स्टार व्हॅल्यू कमी होईल या भीतीनं शाहरुखने स्लमडॉग केला नाही. २००४ मध्ये आलेल्या, ब्रॅड पिटच्या ‘ट्रॉय’मध्ये ऐश्वर्या राय-बच्चन हिरोइन म्हणून दिसणार होती. पण यात ब्रॅड पिटसोबत काही दृश्य अशी होती जी करण्यासाठी ऐश्वर्याने नकार दिला. अखेर ती भूमिका एका ऑस्ट्रेलियन अभिनेत्रीकडे गेली.
मला हॉलिवूडमध्ये काम करायचं नाही, असं हृतिक रोशन नेहमीच म्हणत आलाय. त्याला ‘द पिंक पँथर २’ मध्ये मध्यवर्ती भूमिकेसाठी विचारण्यात आलं होतं. पण आपल्या मतांवर ठाम राहत त्याने सिनेमा करण्यासाठी नकार दिला.
टीव्हीवरचा लोकप्रिय अभिनेता रोनित रॉय याला २०१२च्या ऑस्करमध्ये सगळ्यात जास्त नामांकनं मिळालेली आणि केथरीन बिग्लोवच्या ‘झिरो डार्क थर्टी’ एक रोल ऑफर झाला होता. पण तेव्हा तो ‘स्टुडंट ऑफ दि इयर’च्या शूटमध्ये व्यग्र होता. ‘झिरो डार्क थर्टी’ हा सिनेमा लादेनसाठी अमेरिकेनं हाती घेतलेल्या मोहिमेवर आधारित होता. अक्षय कुमारला नुकतच रॉक जोन्सनसोबतच्या एका भूमिकेसाठी विचारण्यात आलं होतं. पण खिलाडी कुमारने भारत सोडून सध्या तरी आणखी कुठे काम करायचा विचार नाही असं म्हणून प्रोजेक्टला नकार दिला.
श्रीदेवीनं बाहुबली नाकारला होता या चर्चेविषयी ‘मटा’नं तिलाच विचारलं असता, ती म्हणाली की, बाहुबलीचं काय घेऊन बसलात मी ‘ज्युरासिक पार्क’लाही नाही म्हटलं होतं. तिथे जाऊन उगीच छोटी-छोटी काम करून स्वतःची किंमत कमी का करून घ्यायची? त्यापेक्षा मी इथेच बरी आहे.’ इरफान खान आता ग्लोबल स्टार म्हणून ओळखला जातो. पण त्यानंही ख्रिस्तोफर नोलनच्या ‘इंटरस्टेलार’ला नकार दिला होता. नोलन हे हॉलीवूडच्या दिग्दर्शकांमधलं एक बडं नाव आहे. त्यात ‘इंटरस्टेलार’मध्ये इरफानला डॉ. मानच्या भूमिकेसाठी विचारण्यात आलं होतं. पण त्यावेळी ‘लंच बॉक्स’ आणि ‘डी डे’साठी त्यानं तारखा दिल्या होत्या. त्यामुळे त्यानं चक्क नोलनला नाही म्हटलं होतं.