या अभिनेत्याने भरला सर्वात जास्त कर

मटा ऑनलाइन वृत्त । मुंबई

अनेक अभिनेत्यांनी कर चुकवल्याच्या बातम्या येत असताना ऋतिक मात्र सर्वात जास्त कर भरणाऱ्या अभिनेत्यांच्या यादीत अव्वल स्थानावर आहे.
आयकर विभागाच्या आत्तापर्यंतच्या अॅडव्हान्स टॅक्स पेमेंट डाटावर नजर टाकली असता, २०१५-१६ या वर्षांत बॉलिवूडचे खान व बॉलिवूडचा खिलाडी यांना मागे सारत अभिनेता ऋतिक रोशन हा सर्वात जास्त कर भरणारा अभिनेता ठरला आहे.


मीडिया रिपोर्ट्स नुसार ऋतिकने ८० कोटी रुपये इतका कर भरला आहे. तर सर्वात जास्त कर भरणाऱ्या अभिनेत्यांच्या यादीत आहे ऋतिक सोबत बॉलिवु़डचा परफेक्शनिस्ट आमिर खान आणि रणबीर कपूरही आहेत

यंदा ऋतिकने ८० कोटी रुपये इतका कर भरला आहे पण मागील वर्षी देखील ऋतिकने ५० कोटी रुपये इतका कर भरला होता. बॉलिवूडमधील खान मात्र कर भरण्यामध्ये पाठीचं असल्याच दिसून येत आहे. ७२ कोटींचा कर भरल्याने आमिर दुसऱ्या क्रमांकावर आहे. तर ३७ कोटी रुपये कर भरून रणबीर कपूर तिसऱ्या क्रमांकावर आहे. बॉक्स ऑफिसवर गल्ला जमवण्यात सलमान खानचे चित्रपट सर्वात पुढे असले तरी कर भरणाऱ्यांमध्ये सलमान खान चौथ्या क्रमांकावर आहे. त्याने केवळ १४ कोटींचा कर भरला आहे.