मुंबई
'बॉलिवूडमधील रंगभेदाचा मलाही फटका बसला आहे. सावळ्या रंगावरून मला एकदा हिणवण्यात आलं होतं. कोणाशीही हे होऊ शकतं. पण मी त्याची पर्वा करत नाही. मला माझ्या सावळ्या रंगाचा अभिमान आहे,' असं मत अभिनेत्री रिचा चड्डा हिनं व्यक्त केलं आहे.
काही दिवसांपूर्वी नवाजुद्दीन सिद्दीकी यानं एका ट्विटच्य माध्यमातून बॉलिवूडमधील रंगभेदाचा मुद्दा उपस्थित केला होता. त्यावरून बॉलिवूडमध्ये वेगळ्याच चर्चेला सुरुवात झाली होती. ज्येष्ठ अभिनेते शत्रुघ्न सिन्हा यांच्यासह अनेकांनी यावर आपलं मत मांडलं होतं. रिचा चड्डा हिला याबद्दल विचारला असता तिनं तिच्यासोबत घडलेला एक किस्साच मीडियाशी शेअर केला. 'एका चित्रपटाच्या शूटिंगदरम्यान मी एका दृश्याची तयारी करत होते. त्यावेळी युनिटमधील एका व्यक्तीनं माझ्याकडं बोट दाखवत हिचा मेकअप फेयर करा, असं मेकअपमनला सांगितलं. मला फार वाईट वाटलं आणि संतापही आला. मी त्याला कारण विचारलं असता तो गप्प झाला. त्याला काय म्हणायचं होतं ते मला समजलं. पण अखेरपर्यंत मी माझा मेकअप बदलू दिला नाही,' असं रिचानं सांगितलं.
हा किस्सा ऐकवून ती पुढं म्हणाली, 'इंग्रज आपल्या देशातून गेले असले तरी त्यांची मानसिकता इथं सोडून गेले आहेत. त्याचे दुष्परिणाम आपल्याच लोकांना भोगावे लागत आहेत. या मानसिकतेमुळंच नट-नट्यांच्या मागे डान्स करणारे छोटे-मोठे कलाकारसुद्धा अनेकदा गोरेच असतात. आपला देश हा सर्व रंगांचा आहे आणि हीच आपली खरी ताकद आहे. त्यामुळंच माझ्या देशाचा आणि माझ्या रंगाचा मला खूप अभिमान आहे.
'बॉलिवूडमधील रंगभेदाचा मलाही फटका बसला आहे. सावळ्या रंगावरून मला एकदा हिणवण्यात आलं होतं. कोणाशीही हे होऊ शकतं. पण मी त्याची पर्वा करत नाही. मला माझ्या सावळ्या रंगाचा अभिमान आहे,' असं मत अभिनेत्री रिचा चड्डा हिनं व्यक्त केलं आहे.
काही दिवसांपूर्वी नवाजुद्दीन सिद्दीकी यानं एका ट्विटच्य माध्यमातून बॉलिवूडमधील रंगभेदाचा मुद्दा उपस्थित केला होता. त्यावरून बॉलिवूडमध्ये वेगळ्याच चर्चेला सुरुवात झाली होती. ज्येष्ठ अभिनेते शत्रुघ्न सिन्हा यांच्यासह अनेकांनी यावर आपलं मत मांडलं होतं. रिचा चड्डा हिला याबद्दल विचारला असता तिनं तिच्यासोबत घडलेला एक किस्साच मीडियाशी शेअर केला. 'एका चित्रपटाच्या शूटिंगदरम्यान मी एका दृश्याची तयारी करत होते. त्यावेळी युनिटमधील एका व्यक्तीनं माझ्याकडं बोट दाखवत हिचा मेकअप फेयर करा, असं मेकअपमनला सांगितलं. मला फार वाईट वाटलं आणि संतापही आला. मी त्याला कारण विचारलं असता तो गप्प झाला. त्याला काय म्हणायचं होतं ते मला समजलं. पण अखेरपर्यंत मी माझा मेकअप बदलू दिला नाही,' असं रिचानं सांगितलं.
हा किस्सा ऐकवून ती पुढं म्हणाली, 'इंग्रज आपल्या देशातून गेले असले तरी त्यांची मानसिकता इथं सोडून गेले आहेत. त्याचे दुष्परिणाम आपल्याच लोकांना भोगावे लागत आहेत. या मानसिकतेमुळंच नट-नट्यांच्या मागे डान्स करणारे छोटे-मोठे कलाकारसुद्धा अनेकदा गोरेच असतात. आपला देश हा सर्व रंगांचा आहे आणि हीच आपली खरी ताकद आहे. त्यामुळंच माझ्या देशाचा आणि माझ्या रंगाचा मला खूप अभिमान आहे.