विराट लाडाने 'या' नावाने अनुष्काला हाक मारतो...

मटा ऑनलइन वृत्त | मुंबई
भारतीय क्रिकेट संघाचा कर्णधार विराट कोहली आणि अभिनेत्री अनुष्का शर्मा यांच्यातील प्रेमाच्या चर्चा नेहमीच रंगत असतात. या दोघांनी जरी आपले नाते अधिकृतपणे अद्याप जाहीर केले नसले तरी, त्यांच्यातील प्रेम मात्र कधीच लपून राहिले नाही. त्यातच आता 'विरूष्का' च्या नात्यातील एक स्पेशल सिक्रेट जगजाहीर झालंय.
विराट अनुष्काला लाडाने काय हाक मारतो हे आता त्यांच्या फॅन्सना कळलंय. विराट एका स्पेशल शोच्या मुलाखतीत अनुष्काबद्दल भरभरून बोलत होता. आपल्या गर्लफ्रेंडचे कौतुक करता करता त्याच्या तोंडून पटकन तो हाक मारत असलेले लाडाचे नाव बाहेर पडले. 'नुष्की बहुत इमानदार है' असे अनुष्काबद्दलच्या एका प्रश्नाचे उत्तर देताना विराट म्हणाला आणि या 'नुष्की' ने सर्वांचेच लक्ष वेधले. नेमकी ही नुष्की कोण आणि तिच्याबद्दल विराटने अजून काय सांगितले हे मात्र शोच्या प्रसारणानंतरच कळेल.
आपल्या नात्याबद्दल दोघेही फारसे मोकळेपणाने कधीच मीडियासमोर बोलत नाहीत. त्यामुळेच या नात्याबद्दल जाणून घेण्याची उत्सुकता प्रत्येक फॅनला असते. विराट आणि अनुष्का अर्थात 'विरूष्का'चे हे स्पेशल सिक्रेट कळल्यावर त्यांच्या फॅन्सनी हे नाव चांगलेच व्हायरल केले.