पुणे टाइम्स टीम
‘जुळून येती रेशीमगाठी’ या मालिकेतून लोकप्रिय झालेला तरुणींचा लाडका अभिनेता ललित प्रभाकर ‘चि. व चि. सौ. का.’, ‘हंपी’ या चित्रपटांमध्ये दिसला. ‘आनंदी गोपाळ’ चित्रपटातल्या त्याच्या कामाचं कौतुक झालं. कायमच वेगळ्या भूमिका साकारण्याची इच्छा बाळगणाऱ्या ललितचा नवा चित्रपट येतोय. त्या निमित्त झालेल्या गप्पा.
‘आनंदी गोपाळ’ या चित्रपटातलं तुझं काम कौस्तुकास्पद होतं. या चित्रपटामुळे काय बदल घडला?
- खूप वेगळी भूमिका मी या चित्रपटाच्या निमित्तानं साकारू शकलो. मी स्वतः या भूमिकेत कसा दिसेन अशी कल्पनाही मी केली नव्हती; पण हीच मजा आहे असं मला वाटतं. अशाच वेगळ्या भूमिकेत काम करण्याच्या मी कायम प्रयत्नात असतो. या भूमिकेमुळे जबाबदारी वाढलीय आहे. अशीच जबाबदारी वाढत गेली पाहिजे, तरंच नट म्हणून माझी वाढ होईल. कायमच रोमँटिक भूमिका करायला मला आवडत नाही नेहमी वेगळ्या पद्धतीनं काम करत राहावं असं वाटत राहतं.
तू अनेक दिवस नाटका किंवा मालिकेत दिसला नाहीस..
- प्रायोगिक नाटकांमधून मी काम करत असतो; पण व्यायवसायिक नाटकाबाबत वेळेची गणितं जमवणं कठीण असतं. चित्रपटाचं चित्रीकरण आणि नाटक हे एकाचवेळी खूप कठीण होऊन बसतं. मग एका कामावर मनापासून लक्ष देऊन काम करता येत नाही आणि मालिकेच्या बाबतीतही तेच आहे. मालिका म्हटलं, की पूर्णवेळ मालिकेला द्यावा लागतो आणि मग चित्रपटाचं चित्रीकरण आणि मालिकेचं चित्रीकरण या वेळा जुळून येत नाहीत. त्यामुळे सध्यातरी मालिका आणि नाटक करत नाहीये.
‘मिडीयम स्पायसी’ या चित्रपटात तू वेगळ्या भूमिकेत असल्याचं कळतंय, काय सांगशील?
- मोहित टाकळकर दिग्दर्शित या चित्रपटात मी, पर्ण पेठे आणि सई ताम्हणकर काम करत आहोत. या चित्रपटाच्या चित्रीकरणादरम्यान खूप शिकायला मिळालं आणि मजाही केली. विशेष म्हणजे, मी या टीमसोबत पहिल्यांदा काम करतोय त्यामुळे खूप छान अनुभव मिळाला. मोहितची कामाची पद्धत वेगळी आहे ती जवळून अनुभवता आली.
तू फिटनेसबाबत आग्रही असतोस. त्यासाठी वेळ कसा काढतोस?
- मी दररोज व्यायाम नाही करत; पण भूमिकेवर माझ्या व्यायामाचं गणित अवलंबून असतं. पात्राची जशी गरज असेल त्या प्रमाणे मला व्यायामाचं वेळापत्रक असतं. ‘आनंदी गोपाळ’मध्ये फिट बॉडी नको होती त्यामुळे माझा व्यायाम बंद होता.
तुझ्या घरात सगळ्या भिंती काळ्या रंगाच्या आहेत. ही नेमकी काय गंमत आहे?
- मला पहिल्यापासूनच काळा रंग खूप आवडतो. काळ्या रंगाच्या भिंतींमुळे घरात माझं कामावर लक्ष जास्त प्रमाणात लागतं. मी झोपाळू आहे. त्यामुळे दिवस असला तरी अंधार असल्याप्रमाणे मी झोपू शकतो. काळा रंग खूप ऊर्जा देतो. गावात रात्री आपण झोपलो, तर काळ्या आकाशाकडे पाहात झोपायला आवडतं, माझंही तसंच आहे. मलाही काळा रंग सभोवती असला की छान वाटतं.
आगामी प्रकल्प?
- मला असं खूप प्लॅन करून जगायला आवडत नाही. सध्यातरी ‘मिडिअम स्पायसी’ हाच चित्रपट करतोय.
‘जुळून येती रेशीमगाठी’ या मालिकेतून लोकप्रिय झालेला तरुणींचा लाडका अभिनेता ललित प्रभाकर ‘चि. व चि. सौ. का.’, ‘हंपी’ या चित्रपटांमध्ये दिसला. ‘आनंदी गोपाळ’ चित्रपटातल्या त्याच्या कामाचं कौतुक झालं. कायमच वेगळ्या भूमिका साकारण्याची इच्छा बाळगणाऱ्या ललितचा नवा चित्रपट येतोय. त्या निमित्त झालेल्या गप्पा.
‘आनंदी गोपाळ’ या चित्रपटातलं तुझं काम कौस्तुकास्पद होतं. या चित्रपटामुळे काय बदल घडला?
- खूप वेगळी भूमिका मी या चित्रपटाच्या निमित्तानं साकारू शकलो. मी स्वतः या भूमिकेत कसा दिसेन अशी कल्पनाही मी केली नव्हती; पण हीच मजा आहे असं मला वाटतं. अशाच वेगळ्या भूमिकेत काम करण्याच्या मी कायम प्रयत्नात असतो. या भूमिकेमुळे जबाबदारी वाढलीय आहे. अशीच जबाबदारी वाढत गेली पाहिजे, तरंच नट म्हणून माझी वाढ होईल. कायमच रोमँटिक भूमिका करायला मला आवडत नाही नेहमी वेगळ्या पद्धतीनं काम करत राहावं असं वाटत राहतं.
तू अनेक दिवस नाटका किंवा मालिकेत दिसला नाहीस..
- प्रायोगिक नाटकांमधून मी काम करत असतो; पण व्यायवसायिक नाटकाबाबत वेळेची गणितं जमवणं कठीण असतं. चित्रपटाचं चित्रीकरण आणि नाटक हे एकाचवेळी खूप कठीण होऊन बसतं. मग एका कामावर मनापासून लक्ष देऊन काम करता येत नाही आणि मालिकेच्या बाबतीतही तेच आहे. मालिका म्हटलं, की पूर्णवेळ मालिकेला द्यावा लागतो आणि मग चित्रपटाचं चित्रीकरण आणि मालिकेचं चित्रीकरण या वेळा जुळून येत नाहीत. त्यामुळे सध्यातरी मालिका आणि नाटक करत नाहीये.
‘मिडीयम स्पायसी’ या चित्रपटात तू वेगळ्या भूमिकेत असल्याचं कळतंय, काय सांगशील?
- मोहित टाकळकर दिग्दर्शित या चित्रपटात मी, पर्ण पेठे आणि सई ताम्हणकर काम करत आहोत. या चित्रपटाच्या चित्रीकरणादरम्यान खूप शिकायला मिळालं आणि मजाही केली. विशेष म्हणजे, मी या टीमसोबत पहिल्यांदा काम करतोय त्यामुळे खूप छान अनुभव मिळाला. मोहितची कामाची पद्धत वेगळी आहे ती जवळून अनुभवता आली.
तू फिटनेसबाबत आग्रही असतोस. त्यासाठी वेळ कसा काढतोस?
- मी दररोज व्यायाम नाही करत; पण भूमिकेवर माझ्या व्यायामाचं गणित अवलंबून असतं. पात्राची जशी गरज असेल त्या प्रमाणे मला व्यायामाचं वेळापत्रक असतं. ‘आनंदी गोपाळ’मध्ये फिट बॉडी नको होती त्यामुळे माझा व्यायाम बंद होता.
तुझ्या घरात सगळ्या भिंती काळ्या रंगाच्या आहेत. ही नेमकी काय गंमत आहे?
- मला पहिल्यापासूनच काळा रंग खूप आवडतो. काळ्या रंगाच्या भिंतींमुळे घरात माझं कामावर लक्ष जास्त प्रमाणात लागतं. मी झोपाळू आहे. त्यामुळे दिवस असला तरी अंधार असल्याप्रमाणे मी झोपू शकतो. काळा रंग खूप ऊर्जा देतो. गावात रात्री आपण झोपलो, तर काळ्या आकाशाकडे पाहात झोपायला आवडतं, माझंही तसंच आहे. मलाही काळा रंग सभोवती असला की छान वाटतं.
आगामी प्रकल्प?
- मला असं खूप प्लॅन करून जगायला आवडत नाही. सध्यातरी ‘मिडिअम स्पायसी’ हाच चित्रपट करतोय.