मटा ऑनलाइन वृत्त । नवी दिल्ली
महिष्मती साम्राज्यातील 'रयतेचा राजा', शिवगामीचा आज्ञाधारी सुपुत्र, कट्टप्पाचा प्रेमळ भाचा आणि नातू, देवसेनाचा पती आणि मुलगा, अवंतिकाचा प्रियकर या सर्व भूमिका अमरेंद्र आणि महेंद्र बाहुबली म्हणून समर्थपणे साकारणारा अभिनेता प्रभासनं आज देशातीलच नव्हे, तर जगातील सिनेप्रेमींच्या मनात घर केलंय. त्याची स्टाइल, त्याची बॉडी, त्याची अॅक्शन यावर तरुणाई अक्षरशः फिदा आहे आणि त्याच्या पुढच्या सिनेमांची आतुरतेनं वाट बघतेय. या 'लाटे'चाच फायदा करून घेत आपलं मानधन ५ कोटी रुपयांनी वाढवण्याचा विचार प्रभास करत असल्याचं समजतं.
'बाहुबली'साठी प्रभासनं जीव तोडून मेहनत केली. पाच वर्षं त्यानं केवळ याच सिनेमाचा ध्यास घेतला होता. आर्थिक चणचण भासत असतानाही, त्यानं १० कोटींची जाहिरात नाकारली होती. या त्याच्या परिश्रमांचं आता चीज झालं आहे. पैसा तर मिळालाच, पण जगाच्या कानाकोपऱ्यात तो प्रसिद्ध झालाय. ही प्रसिद्धी त्याला खूप फायद्याची ठरणार आहे.
'बाहुबली' करण्याआधी प्रभासचं मानधन २० ते २५ कोटी रुपये होतं. त्याचा स्वभाव नम्र आणि थोडा बुजरा असल्यानं त्यानं कधीच कुठल्या निर्मात्याला मानधनावरून वेठीस धरलं नाही. बाहुबलीच्या प्रचंड यशानंतरही, त्यानं 'बाहुबली-२' साठी २५ कोटी रुपयेच मानधन घेतलं. पण आता त्यानं त्यात ५ कोटी रुपयांची वाढ केल्याचं वृत्त आहे. अर्थात, प्रभासची क्रेझ पाहता, त्याच्यासाठी ३० कोटी रुपये मोजायला निर्माते मागे-पुढे पाहतील असं वाटत नाही.
सध्या अमेरिकेत फिरायला गेलेला प्रभास परत आल्यावर साहो या सिनेमाचं शूटिंग सुरू करणार आहे. या सिनेमाचीही आत्तापासूनच चर्चा आहे. त्यामुळे तोही सुपरहिट झाला, तर प्रभास कुठल्या कुठे पोहोचेल, हे वेगळं सांगायची गरज नाही.
महिष्मती साम्राज्यातील 'रयतेचा राजा', शिवगामीचा आज्ञाधारी सुपुत्र, कट्टप्पाचा प्रेमळ भाचा आणि नातू, देवसेनाचा पती आणि मुलगा, अवंतिकाचा प्रियकर या सर्व भूमिका अमरेंद्र आणि महेंद्र बाहुबली म्हणून समर्थपणे साकारणारा अभिनेता प्रभासनं आज देशातीलच नव्हे, तर जगातील सिनेप्रेमींच्या मनात घर केलंय. त्याची स्टाइल, त्याची बॉडी, त्याची अॅक्शन यावर तरुणाई अक्षरशः फिदा आहे आणि त्याच्या पुढच्या सिनेमांची आतुरतेनं वाट बघतेय. या 'लाटे'चाच फायदा करून घेत आपलं मानधन ५ कोटी रुपयांनी वाढवण्याचा विचार प्रभास करत असल्याचं समजतं.
'बाहुबली'साठी प्रभासनं जीव तोडून मेहनत केली. पाच वर्षं त्यानं केवळ याच सिनेमाचा ध्यास घेतला होता. आर्थिक चणचण भासत असतानाही, त्यानं १० कोटींची जाहिरात नाकारली होती. या त्याच्या परिश्रमांचं आता चीज झालं आहे. पैसा तर मिळालाच, पण जगाच्या कानाकोपऱ्यात तो प्रसिद्ध झालाय. ही प्रसिद्धी त्याला खूप फायद्याची ठरणार आहे.
'बाहुबली' करण्याआधी प्रभासचं मानधन २० ते २५ कोटी रुपये होतं. त्याचा स्वभाव नम्र आणि थोडा बुजरा असल्यानं त्यानं कधीच कुठल्या निर्मात्याला मानधनावरून वेठीस धरलं नाही. बाहुबलीच्या प्रचंड यशानंतरही, त्यानं 'बाहुबली-२' साठी २५ कोटी रुपयेच मानधन घेतलं. पण आता त्यानं त्यात ५ कोटी रुपयांची वाढ केल्याचं वृत्त आहे. अर्थात, प्रभासची क्रेझ पाहता, त्याच्यासाठी ३० कोटी रुपये मोजायला निर्माते मागे-पुढे पाहतील असं वाटत नाही.
सध्या अमेरिकेत फिरायला गेलेला प्रभास परत आल्यावर साहो या सिनेमाचं शूटिंग सुरू करणार आहे. या सिनेमाचीही आत्तापासूनच चर्चा आहे. त्यामुळे तोही सुपरहिट झाला, तर प्रभास कुठल्या कुठे पोहोचेल, हे वेगळं सांगायची गरज नाही.