बॉलिवूडमध्ये जॅकी चॅनचं आयटम साँग?

मटा ऑनलाइन वृत्त। मुंबई

जॅकी चॅनला कंफू, स्टंट्स करताना आपण पाहिले आहे. जॅकी चॅनने अनेक हॉलिवूड, चायनिज सिनेमांमध्ये गाणे गायले आहे, नृत्यही केले आहे. आता हा मल्टिटॅलेन्टेड अभिनेता बॉलिवूडमध्ये पदार्पण करणार आहे. 'कुंग फु योगा' या आगामी इन्डो-चायनिज सिनेमाच्या आयटम नंबरवर जॅकी थिरकताना दिसण्याची शक्यता आहे. या गाण्याचे नृत्य दिग्दर्शन अभिनेत्री फराह खान करणार असल्याचे सूत्रांनी सांगितले.

या आयटम नंबरमध्ये जॅकीसोबत सोनू सूद, दिशा पटनानी, अमायरा दस्तुर ही दिसतील अशी चर्चा आहे. इंन्डो-चायनिज सिनेमामध्ये भारतीय प्रेक्षकांना आकर्षित करण्यासाठी आयटम नंबर ठेवावा, असा सल्ला सोनूनेच जॅकीला दिला होता. या आयटम नंबरची कोरिग्राफी फराहकडून करवून घ्यावी, असे ही सोनूने जॅकीला सुचवले होते. या आयटम नंबरचे बोल हे हिंदी आणि इंग्रजीमधून असणार आहेत. गाण्याचे चित्रिकरण भारत, चीन आणि जगाच्या वेगवेगळ्या ठिकाणी करण्यात येणार असल्याचे सूत्रांनी सांगितले. भारतात राजस्थानच्या जोधपूरमध्ये याचे चित्रिकरण होणार असल्याची चर्चा आहे. एप्रिल महिन्यात चित्रित होणाऱ्या या गाण्यात जॅकी भारतीय पोशाखात दिसणार असल्याचे समजते. भारतीय पोशाखातील जॅकी चॅन हिंदी-इंग्रजी आयटम साँगबद्दलची उत्सुकता आता जॅकीच्या चाहत्यांना लागली आहे.