'पद्मावती'च्या समर्थनासाठी धावले जावेद अख्तर
बॉलिवूडचे प्रसिद्ध निर्माते, दिग्दर्शक संजय लीला भन्साळी यांच्या 'पद्मावती' या आगामी चित्रपटाला होणारा विरोध दिवसेदिवसं वाढतच आहे. आता या वादात प्रसिद्ध गीतकार जावेद अख्तर यांनी उडी घेतली असून ‘पद्मावती’ची कथा 'जोधा-अकबर'प्रमाणेच काल्पनिक असल्याचं त्यांनी स्पष्ट केलं आहे.
Maharashtra Times 12 Nov 2017, 3:28 pm
मटा ऑनलाइन वृत्त । मुंबई
बॉलिवूडचे प्रसिद्ध निर्माते, दिग्दर्शक संजय लीला भन्साळी यांच्या 'पद्मावती' या आगामी चित्रपटाला होणारा विरोध दिवसेदिवसं वाढतच आहे. आता या वादात प्रसिद्ध गीतकार जावेद अख्तर यांनी उडी घेतली असून ‘पद्मावती’ची कथा 'जोधा-अकबर'प्रमाणेच काल्पनिक असल्याचं त्यांनी स्पष्ट केलं आहे.
'मी टि.व्हीवर एका इतिहासाच्या प्राध्यापकाचं व्याख्यान ऐकत होतो. या व्याख्यानात त्यांनी खिलजीची कारकिर्द आणि राणी पद्मावतीचा इतिहास यांच्यात २०० ते २५० वर्षाचे अंतर असल्याचं स्पष्ट केलं. मलिक मोहम्मद जायसी यांनी राणी पद्मावतीची कथा लिहिण्याआधी पद्मावतीचा कुठेही उल्लेख आढळत नाही. इतिहासावर बरंच लेखन झालं. तेव्हाची सर्व माहिती उपलब्ध आहे, मात्र त्यात पद्मावतीचा उल्लेखच नसल्याचं या व्याख्यात्याने म्हटल्याचं अख्तर यांनी स्पष्ट केलं.
आशुतोष गोवारीकर यांच्या 'जोधा-अकबर' चित्रपटाचे उदाहरण देत ते म्हणाले की,'अकबर बादशहाची जोधाबाई नावाची कोणतीही पत्नी नव्हती. लोकांनी काल्पनिक कथा आणि खरा इतिहास यामध्ये गोंधळून जाता कामा नये.'
'चित्रपटांसाठी कथा बनवली जाते. त्यामुळे तुम्हीही चित्रपट पाहा आणि त्याचा आनंद घ्या. इतिहासाची आवड असल्यास गंभीरपणे त्याचं वाचन करा.' असा सल्ला त्यांनी यावेळी तरुण पिढीला दिला.
बॉलिवूडचे प्रसिद्ध निर्माते, दिग्दर्शक संजय लीला भन्साळी यांच्या 'पद्मावती' या आगामी चित्रपटाला होणारा विरोध दिवसेदिवसं वाढतच आहे. आता या वादात प्रसिद्ध गीतकार जावेद अख्तर यांनी उडी घेतली असून ‘पद्मावती’ची कथा 'जोधा-अकबर'प्रमाणेच काल्पनिक असल्याचं त्यांनी स्पष्ट केलं आहे.
'मी टि.व्हीवर एका इतिहासाच्या प्राध्यापकाचं व्याख्यान ऐकत होतो. या व्याख्यानात त्यांनी खिलजीची कारकिर्द आणि राणी पद्मावतीचा इतिहास यांच्यात २०० ते २५० वर्षाचे अंतर असल्याचं स्पष्ट केलं. मलिक मोहम्मद जायसी यांनी राणी पद्मावतीची कथा लिहिण्याआधी पद्मावतीचा कुठेही उल्लेख आढळत नाही. इतिहासावर बरंच लेखन झालं. तेव्हाची सर्व माहिती उपलब्ध आहे, मात्र त्यात पद्मावतीचा उल्लेखच नसल्याचं या व्याख्यात्याने म्हटल्याचं अख्तर यांनी स्पष्ट केलं.
आशुतोष गोवारीकर यांच्या 'जोधा-अकबर' चित्रपटाचे उदाहरण देत ते म्हणाले की,'अकबर बादशहाची जोधाबाई नावाची कोणतीही पत्नी नव्हती. लोकांनी काल्पनिक कथा आणि खरा इतिहास यामध्ये गोंधळून जाता कामा नये.'
'चित्रपटांसाठी कथा बनवली जाते. त्यामुळे तुम्हीही चित्रपट पाहा आणि त्याचा आनंद घ्या. इतिहासाची आवड असल्यास गंभीरपणे त्याचं वाचन करा.' असा सल्ला त्यांनी यावेळी तरुण पिढीला दिला.