मुंबई:
'मेट्रोमॅन' म्हणून देशभर ओळख असलेल्या ई. श्रीधरन यांचं आयुष्य आता मोठ्या पडद्यावर पाहायला मिळणार आहे. 'रामसेतू' या बायोपिकमध्ये मल्ल्याळम अभिनेता जयसुर्या हा ई. श्रीधरन यांची भूमिका साकारताना दिसेल.राजेंद्र आकलेकर (रेल्वे इतिहासकार आणि अभ्यासक) यांच्या 'इंडियाज रेल्वेमॅन' या पुस्तकावर हा चित्रपट आधारित असणार आहे.
व्ही. के. प्रकाश या चित्रपटाचं दिग्दर्शन करणार असून मंगळवारी या चित्रपटाची घोषणा करण्यात आली. चित्रपटाची संपूर्ण टीम गेली पाच ते सहा वर्ष ई. श्रीधरन यांच्या आयुष्यावर चित्रपट बनवण्यासाठी लागणारे हक्क मिळवण्यासाठी धडपड करत होती. श्रीधरन यांचा वय वर्ष ३० पासूनचा प्रवास अभिनेता जयसुर्या साकारताना दिसेल. रामेश्वरमच्या पांबन पूलापासून सुरू झालेला ई. श्रीधरन यांच्या प्रवास ते मेट्रो प्रकल्प असा मोठा पल्ला या चित्रपटात पाहायला मिळेल.
' ई. श्रीधरन यांच्या आयुष्यावर आम्ही चित्रपट बनवतोय, ही आमच्यासाठी मोठी गोष्ट आहे. लवकरच शुटींग सुरू होणार असून २०२०मध्ये चित्रपट प्रेक्षकांच्या भेटीला येईल' असं व्ही. के. प्रकाश यांनी सांगितलं. जयसर्यानं देखील श्रीधरन यांच्या जीवनपटात काम करण्यासाठी उत्सुक असल्याचं म्हटलं आहे.
१९९० मध्ये कोकण रेल्वे प्रकल्पाच्या व्यवस्थापकीय संचालक व चेअरमनपदी निवड हे श्रीधरन यांच्या जीवनातील सर्वात मोठं यश होतं. कोकण रेल्वे प्रकल्प पूर्ण झाल्यानंतर ५ नोव्हेंबर १९९७ रोजी ते डीएमआरसीचे पहिले एमडी बनले. काहीही करण्याची क्षमता आणि शिस्त या दोन गुणांसाठी श्रीधरन यांना ओळखले जाते. त्यांच्या या गुणांमुळंच दिल्लीतील एका खूप मोठ्या भागात मेट्रोचा विस्तार होऊ शकला.
'मेट्रोमॅन' म्हणून देशभर ओळख असलेल्या ई. श्रीधरन यांचं आयुष्य आता मोठ्या पडद्यावर पाहायला मिळणार आहे. 'रामसेतू' या बायोपिकमध्ये मल्ल्याळम अभिनेता जयसुर्या हा ई. श्रीधरन यांची भूमिका साकारताना दिसेल.राजेंद्र आकलेकर (रेल्वे इतिहासकार आणि अभ्यासक) यांच्या 'इंडियाज रेल्वेमॅन' या पुस्तकावर हा चित्रपट आधारित असणार आहे.
व्ही. के. प्रकाश या चित्रपटाचं दिग्दर्शन करणार असून मंगळवारी या चित्रपटाची घोषणा करण्यात आली. चित्रपटाची संपूर्ण टीम गेली पाच ते सहा वर्ष ई. श्रीधरन यांच्या आयुष्यावर चित्रपट बनवण्यासाठी लागणारे हक्क मिळवण्यासाठी धडपड करत होती. श्रीधरन यांचा वय वर्ष ३० पासूनचा प्रवास अभिनेता जयसुर्या साकारताना दिसेल. रामेश्वरमच्या पांबन पूलापासून सुरू झालेला ई. श्रीधरन यांच्या प्रवास ते मेट्रो प्रकल्प असा मोठा पल्ला या चित्रपटात पाहायला मिळेल.
' ई. श्रीधरन यांच्या आयुष्यावर आम्ही चित्रपट बनवतोय, ही आमच्यासाठी मोठी गोष्ट आहे. लवकरच शुटींग सुरू होणार असून २०२०मध्ये चित्रपट प्रेक्षकांच्या भेटीला येईल' असं व्ही. के. प्रकाश यांनी सांगितलं. जयसर्यानं देखील श्रीधरन यांच्या जीवनपटात काम करण्यासाठी उत्सुक असल्याचं म्हटलं आहे.
१९९० मध्ये कोकण रेल्वे प्रकल्पाच्या व्यवस्थापकीय संचालक व चेअरमनपदी निवड हे श्रीधरन यांच्या जीवनातील सर्वात मोठं यश होतं. कोकण रेल्वे प्रकल्प पूर्ण झाल्यानंतर ५ नोव्हेंबर १९९७ रोजी ते डीएमआरसीचे पहिले एमडी बनले. काहीही करण्याची क्षमता आणि शिस्त या दोन गुणांसाठी श्रीधरन यांना ओळखले जाते. त्यांच्या या गुणांमुळंच दिल्लीतील एका खूप मोठ्या भागात मेट्रोचा विस्तार होऊ शकला.