जस्टिनला हनी सिंग समजून 'कल्ला'!

मटा ऑनलाइन वृत्त । मुंबई

कॅनेडियन पॉपस्टार जस्टिन बीबरने अवघ्या २४ तासांत भारताचा निरोप घेतला असला तरी त्याच्या भारतभेटीने उठलेलं वादळ अद्याप शांत झालेलं नाही. जस्टिनने लाइव्ह कॉन्सर्टमध्ये काही गाण्यांवर केवळ ओठांची हालचाल केल्याने चाहत्यांनी तीव्र शब्दांत नाराजी व्यक्त केली असताना जस्टिनचा बसमधील प्रवासही एका वेगळ्याच कारणाने चर्चेत आला आहे.

लाइव्ह कॉन्सर्टसाठी भारतात आलेला जस्टिन बीबर सर्वात आधी बच्चेकंपनीला भेटला आणि एका बसमध्ये तो बच्चेकंपनीसोबत धम्माल करतोय, असा व्हिडिओ क्षणार्धात व्हायरल झाला. पण या बसमध्ये असलेली अनेक मुलं जस्टिनला ओळखतच नव्हती आणि तिथेच सगळा 'लोच्या' झालाय.

जस्टिनचा चाहतावर्ग जगभरात असला तरी या बसमधील बच्चेकंपनीसाठी तो अनोळखी होता. त्यामुळेच त्याला पाहून अनेक मुलांनी भारतीय पॉप स्टार 'यो यो हनी सिंग'च्या नावाचा पुकारा केला. या मुलांना हा हनी सिंगच असल्याचे वाटले. व्हिडिओतील ऑडिओ लक्षपूर्वक ऐकल्यास जस्टिनला हनी सिंग म्हणून काही मूलं शेकहँड करताना दिसत आहेत. त्यावरून सध्या सोशल मीडियावर चांगलीच चर्चा झडताना दिसत आहे.


#JustinBieberIndia: The 23-year-old popstar spends some time with the underprivileged children before the concert. Video by @JBCrewTour pic.twitter.com/WU5vB7KTXs — Mumbai Mirror (@MumbaiMirror) May 10, 2017