...म्हणून 'त्या' अभिनेत्री व्हॅनमध्येच झोपल्या

मटा ऑनलाइन वृत्त । मुंबई

आपल्या सगळ्यांनाच माहिती आहे की कलाकरांचं शेड्युल कीती व्यग्र असते, त्यांच्या या बिझी शेड्यूलमुळे त्यांना स्वतःसाठीसुद्धा पुरेसा वेळ मिळत नाही. अभिनेत्री कल्की कोचलीन आणि रिचा चड्ढाच्या बाबतीत ही काहीसं असचं घडलं आहे. 'जिया और जिया' या चित्रपटाच्या चित्रीकरणादरम्यान दोघींना चक्क गाडीमध्येच झोपावे लागले होते.

त्याचं झालं असं की, कल्की आणि रिचाला रात्रीच चित्रीकरण संपवून पुन्हा दुसऱ्या दिवशी सकाळी लवकर सेटवर पोहोचायचे होते म्हणून हॅाटेलमध्ये न जाता त्यांनी गाडीमध्येच झोपणे पसंत केले. 'जिया और जिया' चित्रपटाचे चित्रीकरण स्वीडनमध्ये सुरू आहे. या सिनेमाचं शूटिंग स्वीडनमधील दुर्गम भागात सुरू होतं. संपूर्ण युनीटच चित्रीकरणादरम्यान सेटवर थांबणार होतं. त्यामुळेच या दोघींनीही कोणतेही आढेवेढे न घेता गाडीतच आराम करून प्रवासाचा वेळ वाचवण्याचा निर्णय घेतला.

रिचा व कल्कीसोबत काम करण्याचा अनुभव खूप चांगला होता, दोघी मोठ्या कलाकार असुनही त्यांनी गाडीमध्ये झोपायची तयारी दर्शवली हे बघून आम्ही थक्क झालो, असे चित्रपटाचे दिग्दर्शक हॅावर्ड रोजमाइर यांनी सांगितले.