पाहाच! कंगनाची 'मणिकर्णिका' तुमचं मन जिंकेल!

मटा ऑनलाइन वृत्त । नवी दिल्ली

अभिनेत्री दीपिका पादुकोणच्या राणी 'पद्मावती'ची चर्चा सर्वत्र रंगली असताना अचानक सर्वांचं लक्ष वेधलंय ते झाशीच्या राणीनं. कंगना रणौतच्या आगामी ‘मणिकर्णिका-द क्वीन ऑफ झाँसी’ या चित्रपटाच्या सेटवरचे काही फोटो नुकतेच सोशल मीडियावर व्हायरल झाले आहेत. कंगनाच्या या नव्या लूकला चाहत्यांची भलतीच पसंती मिळत आहे.

हाती तलवार, कपाळावर चंद्रकोर, सौंदर्यात भर घालणारे दागिने आणि चेहऱ्यावर करारी भाव असलेली कंगना आपल्या भूमिकेसाठी फार श्रम घेत असल्याचं या फोटोतून दिसतंय. या भूमिकेसाठी कंगनाने खास तलवारबाजीचे धडेही गिरवले आहेत.

कंगनाबरोबर या चित्रपटात अंकिता लोखंडे ,अतुल कुलकर्णी, वैभव तत्ववादी असे मराठमोळे चेहरेही झळकणार आहेत. झाशीच्या राणीची शौर्यगाथा सांगणारा हा चित्रपट पुढच्या वर्षी २७ एप्रिलला प्रदर्शित होणार आहे.