कपिल शर्माच्या 'फिंरगी'मधील पहिलं गाणं आलं!

मटा ऑनलाइन वृत्त । मुंबई

'कॉमेडी नाइट्स'फेम कपिल शर्माच्या 'फिरंगी' चित्रपटातील पहिलं गाणं रिलीज झालं आहे. 'ओय फिरंगी' असा या गाण्याचा मुखडा आहे. या गाण्यात कपिल एका इंग्रज अधिकाऱ्याची गुलामी करताना दिसतोय. हे गाणं सोशल मीडियावर व्हायरल झालं असून यातील विनोदी दृश्यांमुळं चित्रपटाबद्दल उत्सुकता वाढली आहे.

'ओय फिरंगी' हे गाणं सुनिधी चौहाननं गायलं आहे. संगीत जितेंद्र शाह यांचं असून डॉ. देवेंद्र काफिर यांनी गाण्याचे बोल लिहिले आहेत. अलीकडंच या चित्रपटाचा ट्रेलर प्रदर्शित झाला आहे. त्याला सिनेरसिकांचा उत्तम प्रतिसाद मिळाला. 'फिरंगी'ची कथा स्वांतत्र्यपूर्व काळातील असून कपिल शर्मा हा एका इंग्रज अधिकाऱ्याच्या नोकराच्या भूमिकेत आहे. कपिल शर्मा स्वतः या चित्रपटाचा निर्माता असून राजीव धिंगरा यांनी दिग्दर्शन केलंय. २४ नोव्हेंबरला हा सिनेमा प्रदर्शित होणार आहे.