मुंबई टाइम्स टीम
गोव्यातील ट्रक चालकाची आणि त्याच्या कुटुंबाच्या संघर्षाची गोष्ट सांगणाऱ्या 'बडे अब्बू' या कोकणी सिनेमानं झारखंड येथे झालेल्या राष्ट्रीय चित्रपट महोत्सवात चार महत्त्वाच्या पुरस्कारांवर नावं कोरलं. जमशेदपूर येथे झालेल्या या सिनेमहोत्सवाचा समारोप आणि पारितोषिक वितरण प्रसिद्ध चित्रपट लेखक-दिग्दर्शक इम्तियाज अली आणि मान्यवरांच्या उपस्थितीत पार पडला. यावेळी सर्वोत्कृष्ट सिनेमा, सर्वोत्कृष्ट दिग्दर्शक (नितीन सुपेकर), सर्वोत्कृष्ट अभिनेता (राजेश शर्मा), सर्वोत्कृष्ट संकलन (निलेश गावंड) अशी चार पारितोषिकं 'बडे अब्बू'ने पटकावली.
कोकणी आणि हिंदी अशा दोन स्वतंत्र भाषेत एकाचवेळी चित्रीत झालेला 'बडे अब्बू' सिनेमाच्या कोकणी आवृत्तीची निवड झारखंड येथे झालेल्या राष्ट्रीय चित्रपट महोत्सवात झाली होती. या महोत्सवात निवड झालेला हा आजवरचा पहिला आणि एकमेव कोकणी सिनेमा होता. सदर सिनेमा महोत्सवात प्रदर्शित झाल्यावर सर्व प्रेक्षकांनी आणि मान्यवरांनी अत्यंत उत्स्फूर्त प्रतिसाद दिला. महोत्सवातील दहा पैकी सर्वोत्कृष्ट सिनेमा, सर्वोत्कृष्ट दिग्दर्शन, सर्वोत्कृष्ट अभिनेता, सर्वोत्कृष्ट संकलन ही चार महत्त्वाची पारितोषिकं पटकावत बडे अब्बूने पदार्पणातच विजयी चौकार मारल्यामुळे सिनेमाच्या चमूवर कौतुकाचा वर्षाव होत आहे.
सिनेमा उत्तम झाला आहे याबद्दल आमची खात्री होतीच, पण तो आता विविधभाषी प्रेक्षकांना आणि मान्यवरांना आपलासा वाटतो आहे, हे अधिक समाधानकारक आणि उत्साह वाढवणारी बाब आहे. झारखंड महोत्सवात मिळालेलं प्रोत्साहन हे आम्हा सगळ्यांसाठी आणि गोमंतकीय सिनेमासाठी मोलाचं आहे.
- शामराव यादव-शांती दिलीप बोरकर, निर्माते
दिग्दर्शनासाठी मिळालेलं पारितोषिक वास्तविक संपूर्ण टीमचं आहे, कारण कोकणी भाषेत सिनेदिग्दर्शनाचा हा माझा अत्यंत पहिलाच प्रयत्न होता. पण गोव्यातील निष्णात कलाकार आणि माझे सर्व तंत्रज्ञ सहकारी यांच्यामुळे सिनेमा कला, आशय विषय आणि तंत्रदृष्ट्या उत्तम करणं आम्हाला शक्य झालं. मला मिळालेला हा पुरस्कार म्हणजे वास्तविक गोमंतकीय सिनेमाचा, कोंकणी भाषेचा सन्मान आहे, असं मी मानतो.
- नितीन सुपेकर, दिग्दर्शक
गोव्यातील ट्रक चालकाची आणि त्याच्या कुटुंबाच्या संघर्षाची गोष्ट सांगणाऱ्या 'बडे अब्बू' या कोकणी सिनेमानं झारखंड येथे झालेल्या राष्ट्रीय चित्रपट महोत्सवात चार महत्त्वाच्या पुरस्कारांवर नावं कोरलं. जमशेदपूर येथे झालेल्या या सिनेमहोत्सवाचा समारोप आणि पारितोषिक वितरण प्रसिद्ध चित्रपट लेखक-दिग्दर्शक इम्तियाज अली आणि मान्यवरांच्या उपस्थितीत पार पडला. यावेळी सर्वोत्कृष्ट सिनेमा, सर्वोत्कृष्ट दिग्दर्शक (नितीन सुपेकर), सर्वोत्कृष्ट अभिनेता (राजेश शर्मा), सर्वोत्कृष्ट संकलन (निलेश गावंड) अशी चार पारितोषिकं 'बडे अब्बू'ने पटकावली.
कोकणी आणि हिंदी अशा दोन स्वतंत्र भाषेत एकाचवेळी चित्रीत झालेला 'बडे अब्बू' सिनेमाच्या कोकणी आवृत्तीची निवड झारखंड येथे झालेल्या राष्ट्रीय चित्रपट महोत्सवात झाली होती. या महोत्सवात निवड झालेला हा आजवरचा पहिला आणि एकमेव कोकणी सिनेमा होता. सदर सिनेमा महोत्सवात प्रदर्शित झाल्यावर सर्व प्रेक्षकांनी आणि मान्यवरांनी अत्यंत उत्स्फूर्त प्रतिसाद दिला. महोत्सवातील दहा पैकी सर्वोत्कृष्ट सिनेमा, सर्वोत्कृष्ट दिग्दर्शन, सर्वोत्कृष्ट अभिनेता, सर्वोत्कृष्ट संकलन ही चार महत्त्वाची पारितोषिकं पटकावत बडे अब्बूने पदार्पणातच विजयी चौकार मारल्यामुळे सिनेमाच्या चमूवर कौतुकाचा वर्षाव होत आहे.
सिनेमा उत्तम झाला आहे याबद्दल आमची खात्री होतीच, पण तो आता विविधभाषी प्रेक्षकांना आणि मान्यवरांना आपलासा वाटतो आहे, हे अधिक समाधानकारक आणि उत्साह वाढवणारी बाब आहे. झारखंड महोत्सवात मिळालेलं प्रोत्साहन हे आम्हा सगळ्यांसाठी आणि गोमंतकीय सिनेमासाठी मोलाचं आहे.
- शामराव यादव-शांती दिलीप बोरकर, निर्माते
दिग्दर्शनासाठी मिळालेलं पारितोषिक वास्तविक संपूर्ण टीमचं आहे, कारण कोकणी भाषेत सिनेदिग्दर्शनाचा हा माझा अत्यंत पहिलाच प्रयत्न होता. पण गोव्यातील निष्णात कलाकार आणि माझे सर्व तंत्रज्ञ सहकारी यांच्यामुळे सिनेमा कला, आशय विषय आणि तंत्रदृष्ट्या उत्तम करणं आम्हाला शक्य झालं. मला मिळालेला हा पुरस्कार म्हणजे वास्तविक गोमंतकीय सिनेमाचा, कोंकणी भाषेचा सन्मान आहे, असं मी मानतो.
- नितीन सुपेकर, दिग्दर्शक