राम जेठमलानींच्या बायोपिकसाठी कुणाल खेमू उत्सुक

इंदिरा गांधीची हत्या ते चारा घोटाळा या सारख्या महत्वपूर्ण केस लढणारे जेष्ठ्य वकील राम जेठमलानी यांचा प्रवास लवकरच रुपेरी पडद्यावर येणार आहे. सोहा अली खान, कुणाल खेमू आणि रोनी स्क्रुवाला या बायोपिकची निर्मिती करणार असून, या चित्रपटात राम जेठमलानी यांची भूमिका अभिनेता कुणाल खेमू साकारणार असल्याचे बोलले जात होते मात्र कुणालनं हे वृत्त फेटाळले असून त्यांने जेठमलानींच्या बायोपिकमध्ये भूमिका साकारणार नसल्याचे स्पष्ट केलं आहे.

Clarification: I m super excited about making the Ram Jethmalani biopic but I will not be acting in it https://t.co/StWnnTCbPI — kunal kemmu (@kunalkemmu) November 25, 2017
सुत्रांनी दिलेल्या माहितीनुसार, जेठमलानी यांनी ह्या चित्रपटासाठी होकार कळवला आहे. राम जेठमलानी यांच्या आयुष्याशी निगडीत सकारात्मक आणि नकारात्मक दोन्ही बाजू या चित्रपटात उलगडणार आहेत. जेठमलानी यांच खासगी आयुष्य नेहमीच चर्चेत राहिलं आहे.

'जेठमलानी यांची कहाणी लोकांपर्यंत पोहचवणे गरजेचे आहे, कारण ९४ वर्षीय जेठमलानी यांनी ७० वर्षांपर्यंत वकिली केली आहे. त्यांच्या आयुष्यातल्या घटना खरचं फार रोचक आहेत. आम्ही त्यांच्या जीवनावर लिहलेली सगळी पुस्तके वाचली आहेत आणि आणि त्यांच्या आयुष्यावर चित्रपट बनवणे हा खूप मोठी जबाबदारी आहे.' असं कुणाल खेमूनं सांगितलं.