मुंबई:
नव्वदीच्या दशकातील बॉलिवूड चित्रपटांत खलनायकाच्या भूमिका साकारणारे अभिनेते महेश आनंद यांचे निधन झाले परंतु, त्यांच्या मृत्यूचे गूढ कायम आहे. गेल्या अनेक वर्षांपासून महेश आनंद आर्थिक अडचणींचा सामना करत होते अशी चर्चा असताना दिग्दर्शक- निर्माता पहलाज निहलानी यांनी या वृत्ताला दुजोरा दिला आहे.
महेश आनंद यांनी काम मागण्यासाठी पहलाज निहलानी यांना फोन केल्याचा खुलासा त्यांनी दिलेल्या एका मुलाखतीत केला. 'महेशचा मला अचानक फोन आला. तो फोन त्याला चित्रपटात काम द्यावा यासाठी होता. माझ्या 'रंगीला राजा' चित्रपटात त्याला एखादी भूमिका द्यावी अशी विनंती तो मला फोनवर करत होता. परंतु, तोपर्यंत आमचे चित्रीकरण जवळजवळ पूर्ण होतं आलं होतं. महेशला असलेली पैशाची गरज लक्षात घेता मी चित्रपटाच्या क्लायमॅक्समध्ये त्याच्यासाठी पात्र निर्माण केले आणि त्याला भूमिका दिली.'
महेश आनंद यांनी तब्बल १८ वर्षांनी 'रंगीला राजा' या चित्रपटात काम केले. या चित्रपटातील त्यांची भूमिका केवळ ५-६ मिनिटांची होती. 'रंगीला राजा' हा महेश आनंद यांचा शेवटचा चित्रपट ठरला.
नव्वदीच्या दशकातील बॉलिवूड चित्रपटांत खलनायकाच्या भूमिका साकारणारे अभिनेते महेश आनंद यांचे निधन झाले परंतु, त्यांच्या मृत्यूचे गूढ कायम आहे. गेल्या अनेक वर्षांपासून महेश आनंद आर्थिक अडचणींचा सामना करत होते अशी चर्चा असताना दिग्दर्शक- निर्माता पहलाज निहलानी यांनी या वृत्ताला दुजोरा दिला आहे.
महेश आनंद यांनी काम मागण्यासाठी पहलाज निहलानी यांना फोन केल्याचा खुलासा त्यांनी दिलेल्या एका मुलाखतीत केला. 'महेशचा मला अचानक फोन आला. तो फोन त्याला चित्रपटात काम द्यावा यासाठी होता. माझ्या 'रंगीला राजा' चित्रपटात त्याला एखादी भूमिका द्यावी अशी विनंती तो मला फोनवर करत होता. परंतु, तोपर्यंत आमचे चित्रीकरण जवळजवळ पूर्ण होतं आलं होतं. महेशला असलेली पैशाची गरज लक्षात घेता मी चित्रपटाच्या क्लायमॅक्समध्ये त्याच्यासाठी पात्र निर्माण केले आणि त्याला भूमिका दिली.'
महेश आनंद यांनी तब्बल १८ वर्षांनी 'रंगीला राजा' या चित्रपटात काम केले. या चित्रपटातील त्यांची भूमिका केवळ ५-६ मिनिटांची होती. 'रंगीला राजा' हा महेश आनंद यांचा शेवटचा चित्रपट ठरला.